Олунньу 4 күнүгэр Уус-Алдан улууһун ырыа уонна хоһоон айааччыларыгар, культура үлэһиттэригэр аналлаах семинар — мунньах ыытылынна. Семинар-мунньаҕы салайан ыытта улуус культурага управлениетын начальнига И.И. Аммосов. Кыттыыны ыллылар СӨ Ырыа айааччыларын Сойууһун председателэ, СӨ народнай артыыһа А.В. Егоров, СӨ Ырыа айааччыларын Сойууһун эппиэттиир секретаря, СӨ культуратын үтүөлээх үлэһитэ С.И. Васильев, СӨ культуратын үтүөлээх үлэһитэ, СӨ культурага уонна духуобунай сайдыыга министерствотын ресурснай-бырайыактыыр киинин сүрүннүүр методиһа В.П. Стручков — Дуулаҕа Дьуһаал, «Айар кут», «Үйэ» сурунааллар корреспондена А.М. Иванова-Бээрийэ кыыһа Айгыына. Улуустааҕы «Тойон Мүрү» ырыа айааччылар общественнай түмсүүтэ ыыппыт үлэтин туһунан билиһиннэрдэ РСФСР, Саха АССР культуратын үтүөлээх үлэһитэ, Россия үтүөлээх оҕо ырыа-үҥкүү «Кэнчээри» народнай ансамбль салайааччыта В.С. Парников. Айар түмсүүлэр инники соруктарын тула кэпсэтии, санаа атастаһыыта оҥоһуллунна. Семинар — мунньах түмүгүнэн анал уураах ылылынна.
Салгыы «ӨРКӨН» оҕону эбии үөрэхтээһин киинигэр
«ТОЙОН МҮРҮ ТОЙУГА»
улууспут бастыҥтан бастыҥ ырыа айааччыларын, ырыаһыттарын улахан
Акция концертара ыытылынна.
