Олунньу 4 күнүгэр Аан дойду үрдүнэн бэлиэтэнэр Рак ыарыыны утары охсуһуу күнүн чэрчитинэн Уус Алдан улууһун «Тойон Мүрү» ырыа айааччылар түмсүү көҕүлээһининэн «Тойон Мүрү тойуга» акция концерт буолла. Концертка улууспут нэһилиэктэриттэн ырыа айааччылар, «Ырыам уонна сибэкки» (Арыылаах), «Сайа» (Тулуна), «Абылаҥ» (Сыырдаах), «Мүрүчээнэ», «Дуолан» (Бороҕон) вокальнай ансамбыллар, Бороҕон народнай хора кыттыыны ыллылар. Концертан киирбит харчы биир идэлээхтэрбитигэр поэт, ырыа айааччы И.И. Попов-Бахсылыырапка, Мэҥэ-Хаҥалас улууһун ырыа айааччыта В.В. Кузьмиҥҥа ананна.
