МБУ "Усть-Алданское управление культуры" Бүгүн, кулун тутар 5 күнүгэр, Саха Өрөспүүбүлүкэтигэр норуот маастарын күнэ. Бу күн өрөспүүбүлүкэ араас улуустарыттан уус уран оҥоһуктар маастардарын, тарбахтарыгар талааннаах иистэнньэҥнэри, уустары түмэр XI-с төгүлүн ыытыллар «Якутия мастеровая» быыстапка үөрүүлээх арыллыыта А.Е. Кулаковскай аатынан норуоттар доҕордоһууларын дьиэтигэр буолла. Быыстапка үөрүүлээх арыллыытыгар СР культураҕа уонна духуобунай сайдыыга министерствотын министр солбуйааччы В.В. Левочкин, «Симэх» национальнай искусство киинин директора Я.В. Игнатьева, А.Е. Кулаковскай аатынан НДДь генеральнай директора А.Н. Корякина, СР торговай-промышленнай палататын чилиэнэ Г.В. Софронова эҕэрдэ тыл эттилэр.
Быыстапка чэрчитинэн «Дьабака» уонна «Кулун атах» керамистар блиц конкурстара саҕаланна. Дьабака тигиитин конкурсугар биһиги улуустан Алдана Егорова (Мүрү), Ольга Колодезникова (Өлтөх), керамистар конкурстарыгар Антонина Константинова (Суотту) кыттыыны ылаллар.
Быыстапкага барыта улуустан 30 маастар үлэтэ турда.
