Сэтинньи 13 күнүгэр Уус-Алдан улууһун хореографтарын ассоциацията 17 төгүлүн, хореографтар, үҥкүү коллективтарын салайааччыларын үлэлэрин, опыттарын тар5атар, маастарыстыбаларын үрдэтэр сыаллаах — соруктаах, үгэс буолбут семинардара буолан ааста. Семинарга улуус эбии үөрэхтээһин учууталлара, о5о уһуйааннарын музыкальнай салайааччылара, хореографтар, үҥкүү коллективтарын салайааччылара уопсайа 22 буолан кыттыыны ыллылар.
Бастакы кэрдиискэ төгүрүк остуолга кыттыыны ыллылар улууспут култууратын салалтатын салайааччыта Эльза Киренская, үөрэх салалтатыттан о5ону иитии уонна эбии үөрэхтээһин кылаабынай специалиһа Саина Портнягина, иккис практическай кэрдиискэ улуустааҕы култуура салалтатын информационнай — методическай хааччыйыыга уонна бырайыактыыр, саҥаны сайыннарар салаа сэбиэдиссэйэ Марианна Бережнева, улуустааҕы үөрэх салалтатын инновационнай — методическай салаа салайааччыта Клара Троева. Бэйэлэрин опыттарын, маастар кылаастарын көрдөрдүлэр «Ритмические движения в постановке танца» теманан кыттыыны ылла 12 нүөмэрдээх Мындаабатааҕы «Күнчээнэ» о5о уһуйаанын музыкальнай салайааччыта Анастасия Кириллова, «Улахан дьон үҥкүүтүн коллективыгар үҥкүү туруоруу» теманан кытынна В. В. Никифоров — Күлүмнүүр аатынан «Тойон Мүрү» култуура дыбарыаhын балетмейстера Ольга Петрова, «Саха төрүт үҥкүүлэрэ» теманан маастар кылаас ыытта Суотту орто оскуолатын эбии үөрэхтээһинин педагога Матрена Яковлева,»Саха үҥкүүтэ дэгэтэ — дэгэрэҥ» теманан мастер кылаас ыытта В. Д. Лонгинов аатынан Бээрийэ орто оскуолатын эбии үөрэхтээһин педагога Анастасия Васильева, Боро5онноо5у искусства оскуолатын федеральнай государственнай ирдэбил программатынан үөрэнэр 2 уонна 3 кылаас о5олорун «Гимнастика», Подготовка концертных номеров» предметтэрин аhа5ас уруоктарын көрдөрдүлэр, преподавателлэр Ульяна Петрова, Ульяна Ноговицына, «Уол о5ону үҥкүү кэрэ эйгэтигэр тардыы теманан кытынна Арыылаахтаа5ы «Эйгэ» култуура киинин уус — уран салайааччыта Александра Саввина, «Комплекс упражнений общей физической подготовки в аэробике» теманан аһа5ас уруок ыытта Е. Ф. Габышев аатынан о5о спортивнай оскуолатын тренера Туйаара Ларионова.
Эдэр хореографтарга бэйэтин сүбэтин — аматын, ба5а санаатын эттэ улууспут киэн туттар ветеран хореограба Мария Захаровна Сивцева.
Бу семинарга инники былааҥҥа дьоhуннаах, туһалаах, элбэ5и толкуйдатар, саҥа көрүүлэри — сүүрээннэри киллэрэр, этиилэр киирдилэр, ааһан эрэр сыл ылыллыбыт былаана толоруллан, эhиилги былаан ылылынна. Ону толорорго түмсүүлээх күүстээх үлэ күүтэр.
Семирбытын ыытарга көмөлөспүт култуура салалтатыгар сал. Эльза Киренская5а, үөрэх салалтатыгар сал Федор Татариновка, «Тойон Мүрү» култуура дыбарыаһын, Боро5онноо5у искусства оскуолатын коллективтарыгар салайааччылар Максим Гоголевка, Борис Заровняевка бар5а махталбытын тиэрдэбит.
Уус-Алдан улууhун хореографтарын ассоциациятын салайааччыта Ульяна Ноговицына
