Кулун тутар 21 күнүгэр улуус культураҕа управлениетын начальнига Иннокентий Аммосов, В.В. Никифоров-Күлүмнүүр аатынан Культура дыбарыаһын директорын солбуйааччы Александр Бурцев, Культура управлениетын специалиһа Анна Федорова, балетмейстердар Ульяна Ноговицына, Ольга Петрова СР норуоттарын VIII-с Спортивнай оонньууларын үөрүүлээх аһыллыытын уонна сабыллыытын тэрийэн ыытар, туруорар режиссёрскай группаны кытта көрүстүлэр. Көрсүһүүгэ культура уонна духуобунай сайдыы министерствотын отделын начальнига Вера Моисеева, республикатааҕы норуот айымньытын дьиэтин генеральнай директора Сергей Степанов, кылаабынай режиссёр Сергей Расторгуев, РПГ үлэлэһэр режиссёр көмөлөһөөччүлэрэ, специалистар кыттыыны ыллылар. Көрсүһүүгэ оонньуулар үөрүүлээх аһыллыыларын тутулун тула кэпсэттилэр, үбү-харчыны быһаарыстылар.
