Улуустааҕы «Тойон Мүрү» ырыа айааччылар түмсүү уопсай мунньаҕа ыытылынна

Ахсынньы 7 күнүгэр улуустааҕы «Тойон Мүрү» ырыа айааччылар түмсүү уопсай мунньаҕа ыытылынна.
Мунньахха кыттыыны ыллылар Парников В.С. – түмсүү салайааччыта, ырыа айааччылар Бурнашев Н.Н. – Окоемовка, Бороҕонтон Петухов В.Н., Луковцев С.Н., Прибылых И.И., Ушницкай Л.А., Дегтярев Е.Е. – Арыылаах, Свинобоев Г.Н. – Чараҥ, Пестряков В.Е. – Дьокуускай к., Готовцева Е.С. – Танда, ыҥырыылаахтар Гоголев М.П. – Тойон Мүрү култуура дыбарыаһын директора, Бурцев А.Н. директоры солбуйааччы, Слепцов И.В. – А.П.Петров аат. Бэйдиҥэ НАК директора, Бечеканова А.С. – П.Н.Гоголев аат. Хомустаах СК директора, Аммосова Г.В. – улуустааҕы киин библиотека ааҕар салаатын сэбиэдиссэйэ, Уһуктуу айар куттаах суруйааччылар түмсүү салайааччыта, Бээрийэ Кыыһа Хотойук Айгыына — Уһуктуу айар куттаах суруйааччылар түмсүү чилиэнэ, Копырин А.И. – Мүрү саһарҕата хаһыат корреспондена, Федорова А.Е. – култуура управлениетын кылаабынай специалиһа.
Мунньахха 2022 сылга ыытыллыбыт үлэлэр туһунан иһитиннэриини түмсүү салайааччыта В.С.Парников, 2023 сылга ыытыллар үлэлэр туһунан Бурцев А.Н., Федорова А.Е. оҥордулар.
Мунньахха сайын ыытыллыбыт Саха сирин норуоттарын VIII Спортивнай оонньууларыгар көхтөөх кыттыыны ылбыт ырыа айааччыларга улуустааҕы тэрийэр хамыыһыйа Махтал суруктара туттарылыннылар. «Тойон Мүрү» ырыа айааччылар түмсүү саҥа чилиэннэригэр түмсүү чилиэннэрэ буолбуттарын туоһулуур удостоверениелары, түөскэ анньыллар үрүҥ көмүс бэлиэлэри Василий Пестряков, Иван Прибылых, Екатерина Алексеева-Готовцева, Гаврил Свинобоев, Леонид Ушницкай туттулар.
Мунньах түмүгүнэн 2022 сылга түмсүү тэриллибитэ 45 сылыгар анаммыт үлэ былаанын сүнньүнэн бигэргэтэргэ, үбүлүөйдээх ырыа айааччыларга анаммыт тэрээһиннэри ыытыы, Мүрү саһарҕата хаһыакка саҥа ырыалары салгыы бэчээккэ таһааран билиһиннэрии, ырыалары нотаҕа түһэттэриигэ, саҥа ырыанньыктар тахсыыларыгар, ырыаларга клиптэри оҥотторуу, үйэтитии боппуруоһугар үлэни ыытыы, гастроллары тэрийии онтон да атын хайысхаларга үлэни тэрийэн ыытарга соруктар ыйылыннылар. Түмсүү үлэтин күүһүрдэр инниттэн нэһилиэктэргэ филиаллары тэрийэн үлэни ыытарга диэн хас түмсүү ахсын салайааччылар, ол курдук, Мүрү нэһилиэгэр Петухов В.Н., Байаҕантай, 2-с Байаҕантай – Готовцева Е.С., Бээрийэ – Васильев М.И., Түүлээх – Богдашин П.И., Өлтөх – Дегтярев Е.Е., Курбуһах – Бурнашев Н.Н., Хоро, 1-кы Хоро – Свинобоев Г.Н., Өнөр – Федоров В.Г., Лөгөй – Бечеканова А.С., Дүпсүн – Бурцев Н.Д., Бэрт-Ууһа – Неустроева А.Н., Суотту – Портнягин И.С., Дьокуускай куоракка – Пестряков В.Е. ананнылар.
2023 сылга улуустааҕы “Тойон Мүрү” ырыа айааччылар түмсүү тэриллибитэ 45 сылын бэлиэтиир. Үгүс тэрээһиннэр ыытыллаллара былааннанар. Улууспут ырыа айааччыларыгар истиҥ иэйиилээх ырыалар айылла, айар аартыктара арылла турарыгар баҕарыаҕыҥ.