МБУ "Усть-Алданское управление культуры" Муус устар 2 күнүгэр улууспутугар Культура уонна искусство Арктикатааҕы институтун күнэ ыытылынна.
Оскуола улахан кылаастарын үөрэнээччилэригэр институт профориентационнай үлэтин билиһиннэрдилэр. Улуус дьаһалтатын кытта Культура уонна искусство Арктикатааҕы института инникитин бииргэ үлэлэһэргэ сөбүлэҥ түһэристилэр. Институт студеннара Күлүмнүүр аатынан «Тойон Мүрү» Культура дыбарыаһын сценатыгар эҕэрдэ концерт көрдөрдүлэр. Институт бастакы проректора Станислав Семенович Иванов биһиги улууспутугар культураҕа үлэлиир институт выпускниктарыгар махтал сурук туттарда.