МБУ "Усть-Алданское управление культуры" Кулун тутар 19 к. Бэрт-Ууһун нэһилиэгэр кулууп Дьиэтэ аһыллыбыта 75 үбүлүөйдээх дьоро күнэ ыытылынна.
Бу күн нэһилиэк култууратын кэпсиир быыстапканы көрүү, тэрээһин үөрүүлээх чааһа ыытылынна. Үөрүүлээх тэрээһиҥҥэ Бэрт — Ууһун нэһилиэгин баһылыга Юрий Николаевич Колодезников, СР Ил Түмэн Государственнай мунньаҕын депутата Геннадий Анатольевич Васильев, улуус баһылыгын солбуйааччы Михаил Васильевич Борисов, улуус культуратын управлениетын начальнига Иннокентий Иннокентьевич Аммосов эҕэрдэ тылларын тиэртилэр, бастыҥ культура үлэһиттэригэр, уус — самодеятельность кыттыылаахтарыгар наҕараадалары туттардылар. Нэһилиэк культуратын үлэтин сырдатар «Сырдыгынан сыдьаайан» кинигэ сүрэхтэниитэ буолла.
“Ырыа, үҥкүү кэрэ абылаҥа» эҕэрдэ кэнсиэри нэһилиэк уус- уран самодеятельноһын кыттыылаахтара, сцена ветераннара уонна биир дойдулаахтара Николай Андросов, Клавдия Мурукова, Галина Матвеева, «Оһуор утум» үҥкүү коллектива ( сал. Анна Винокурова), Алена Колодезникова киэргэттилэр. Дьоро күн Николай Колодезников тылларыгар уонна мелодиятыгар «Бэрт Ууһа» диэн саҥа ырыа нэһилиэк хорун толоруутунан түмүктэннэ.
