МБУ "Усть-Алданское управление культуры" Бүгүн, ыам ыйын 26 к. улууспутугар Саха сирин норуоттарын 8-с спортивнай оонньууларыгар бэлэмнэнии үлэтин хаамыытын билсэ Саха Республикатын председателин солбуйааччы С.В.Местников салайааччылаах бөлөх үлэлээтэ.
Бу чэрчитинэн кулууп директордарыгар, филиалларын салайааччыларыгар телеграм нөҥүө онлайн-форматынан спортивнай оонньуулар тэрээһиннэрин бэлэмигэр мунньах ыытылынна. Культура управлениетын начальнига И.И.Аммосов, солбуйар начальнига Л.С.Павлова, «Тойон Мүрү” культура дыбарыаһын культурнай-маассабай тэрээһиннэргэ директорын солбуйааччы А.Н.Бурцев, режиссер Э.М.Киренская, специалист Нь.Е.Оконешникова иһитиннэриилэри оҥордулар. Мунньахха СР культураҕа уонна духуобунай сайдыыга министрин бастакы солбуйааччыта В.В.Левочкин, Саха сирин норуоттарын 8-с спортивнай оонньууларын кылаабынай режиссера С.В.Расторгуев кыттыыны ыллылар.
Мунньахха элбэх ыйытыы киирбитин салайааччылар, специалистар тута хоруйдаан быһаардылар. Түмүккэ спортивнай оонньуулар культурнай тэрээһиннэрин үрдүк таһымҥа ааһалларыгар ситимнээх үлэни ыытарга көҕүлээтилэр.
