МБУ "Усть-Алданское управление культуры" Быйыл Арассыыйаҕа дьиэ-кэргэн уонна Сахабыт сиригэр оҕо саас сылын чэрчитинэн Бороҕоҥҥо Олоҥхо дьиэтигэр бөдөҥ фольклорист учуонай, эпосовед, филологическай наука кандидата, Саха АССР наукаларын үтүөлээх деятелэ Иннокентий Васильевич Пухов төрөөбүтэ 120 сылыгар аналлаах «Оһуордаах оһуохай үҥкүүтэ» улуустааҕы оһуохай күрэҕэ ыытылынна.
Күрэххэ түөрт бөлөҕүнэн барыта 9 оһуохай этээччи биэс нэһилиэктэн: Мүрү, Суотту, Өлтөх, Курбуһах, 2-с Лөгөй кытынна.
Оҕолорго — 1 Үрдэли ылла Суотту орто оскуолатын 7 кылааһын үөрэнээччитэ Инна Алексеева.
Эдэр ыччакка — 3 үрдэли ылары ситистэ Юрий Стручков (Мүрү)
Орто көлүөнэ саастаахтарга — 1 үрдэли ылла Агафья Васильева (Окоемовка)
Аҕам саастаахтарга — 1 үрдэл Ульяна Бурнашева (Тулуна), 2 үрдэл Игнатий Слепцов (Бэйдиҥэ), 3 үрдэл Лилия Слепцова (Мүрү).
Төрөөбүт тылбыт билигин хайдах туруктааҕын бары билэбит, ол иһин тыл тыыннаах буоларын туһугар хамсанарга быыһык кэм диэн этэллэр, суруйаллар. Омук быһыытынан оһуохайбытын өрө тутуу ийэ тылбытын харыстааһыҥҥа, кэлэр көлүөнэҕэ чөл тириэрдиигэ ыччат дьоҥҥо тугунан да солбуллубат холобур буолуох.
