Олоҥхо күнүгэр аналлаах үөрүүлээх тэрээһин Дьокуускай куоракка «Арассыыйа — мин историям» мультимедийнай — историческай пааркаҕа ыытылынна

Олоҥхо күнүгэр аналлаах үөрүүлээх тэрээһин Дьокуускай куоракка «Арассыыйа — мин историям» мультимедийнай — историческай пааркаҕа ыытылынна.
Манна «Олоҥхо-Экспо- 2022» Арассыыйа норуоттарын култуурунай нэһилиэстибэтин сылыгар аналлаах быыстапка-дьаарбаҥка буолла. Олоҥхо Ассоциациятын үөрүүлээх мунньаҕа, П.А.Ойуунускай «Дьулуруйар Ньургун Боотур » олоҥхотун саҥардыллан тахсыбытыгар уонна Тыва норуотун «Кунан Хара» эпостарын сахалыы тылбаастаммытыгар аналлаах биһирэм түһүлгэ ыытылынна. «Олоҥхо үйэлээх аартыга», «Fantasy Olonho» быыстапка дьон-сэргэ киэҥ сэҥээриитин ылла. Өрөспүүбүлүкэ 11 Олоҥхо Дьиэлэрин үлэлиир уонна сайдар тосхоллорун биир кэлим ситимин тэрийии сөбүлэҥин түһэрсии ыытылынна. Экспертнэй сүбэ быһаарыытынан Олоҥхо иккис уон сылын бэлэмнээн ыытыыга СӨ Национальнай тэрийэр кэмитиэтин 2022 сыл түмүгүнэн анал ааттар туттарылыннылар. Биһиги улууспутуттан кэмитиэт бэрэссэдээтэлэ А.Н.Жирков бочуотунай грамотынан Троева Вера Иннокентьевна, Дегтярева Татьяна Ивановна , «Бастыҥ олоҥхону эдэр толорооччу»бириэмийэтинэн Айсена Новоприезжая Тумул орто оскуолатын 7 кылааһын үөрэнээччитэ(сал. Татьяна Габышева)наҕараадаланнылар. Үөрүүлээх тэрээһин түмэр оһуохайынан түмүктэннэ.