МБУ "Усть-Алданское управление культуры" Саха сирин биир кыра бөһүөлэгиттэн саҕалаан, үүнэн-сайдан Саха норуотун культууратын киэҥ эйгэҕэ таһаарбыт, үтүөҕэ кэрэҕэ уһуйбут үтүө дьоннорун Илья Артамонов, Анна Гоголева, Семен Васильев, Светлана Гоголева өлбөт-сүппэт сырдык ааттарын үрдүктүн өрө тута сылдьан, «Наһаа нарын тойуктаах, Найахылар ыллыыллар» диэн, күн бүгүҥҥэ диэри аатыра сылдьар хор, быйыл 60 сылын бэлиэтиир.
Бу үбүлүөйдээх сылларын бэлиэтии Семен Васильев аатынан Найахы народнай ырыа-үҥкүү кэлэктиибэ «Тойон Мүрү» култуура дыбарыаһыгар улахан кэнсиэри көрөөччүлэргэ бэлэхтээтэ. Бу кэнсиэргэ Найахы хорун солистара Елизавета Рожина, Александр Ушницкай, Дмитрий Готовцев, Евдокия Фомина уо.д.а. «Айхаллан», «Найахыына», «Найахылар ыллыыллар», «Дьүөгэ» ырыа ансаамбыллара, «Долун», «Көлүкэчээн», «Эрчим», «Чэлгийээнэ», «Күбэйэ» үҥкүү кэлэктииптэрэ кыттан, бииртэн-биир үрдүк таһымнаах нүөмэри көрдөрөрдүлэр.
Бу бэлиэ түгэҥҥэ улуус баһылыга Алексей Федотов Найахы хора тэриллиэҕиттэн, күн бүгүнүгэр диэри үрдүк таһымҥа ыллыы-туойа сылдьалларын бэлиэтээтэ, итиэннэ нэһилиэнньэ түмсэн айар-тутар Илья Артамонов аатынан сынньалаҥ киинэ салгыы сайдарын туһугар 500 000 тыһыынча суммалаах сертификаты нэһилиэк баһылыгар Петр Слепцовка туттарда.
Инникитин даҕаны кэлэр кэнчээри ыччаккыт аҕа көлүөнэ кэскиллээх суолун салҕаан, «Найахылар дуо?» дэтэн, ырыаҕыт ыраахха диэри дьиэрэйдин!
Улуус дьаһалтатын пресс-сулууспата.
