МБУ "Усть-Алданское управление культуры" Бүгүн Мүрү нэһилиэгин киин болуоссатыгар Лөгөй Тойон аата иҥэрилиннэ уонна Лөгөй Тойон пааматынньыгын арыйыы үөрүүлээх чааһа буолла. Улуу Лөгөйгө аналлаах пааматынньык Уус Алдан улууһун дьонун-сэргэтин улуус сайдыытын фондатыгар киллэрбит үптэринэн тутулунна. Пааматынньык ааптарынан Амматтан төрүттээх Владимир Левин буолар, оттон чочуйан таһаарааччыларынан Уус Алдан Бэрт Ууһуттан Владислав Бурцев, Тааттаттан Петр Элаков буолаллар.
Алгыс түһэриллибитин кэнниттэн Лөгөй Тойон пааматынньыгын сөрүөтүн СӨ Ил Түмэн бэрэссэдээтэлин бастакы солбуйааччы Александр Жирков, СӨ бырабыыталыстыбатын бэрэссэдээтэлин солбуйааччы Сергей Местников, Уус Алдан улууһун дьаһалтатын баһылыга Алексей Федотов арыйдылар. Устуоруйаҕа хаалар дириҥ суолталаах түгэни Валентина Бурнашева тылларыгар, Владимир Заболоцкай матыыбыгар «Үйэ саас Эйиэхэ Өрөгөй, Лөгөй Тойон» диэн саҥа ырыанан СӨ норуодунай артыыһа Владимир Заболоцкай уонна “Тойон Мүрү” култуура дыбарыаһын “Дуолан” эр дьон вокальнай ансаамбыла ыллаан дьиэрэтэн, түмүктээтилэр. Болуоссат Саха Автономията тэриллибитэ 100, Саха сирэ Нуучча судаарыстыбатын састаабыгар киирбитэ 390 сылларыгар, Спортивнай оонньууларга сөп түбэспитэ ураты суолталаах.
Мария АРГУНОВА. Пресс-центр культурных мероприятий VIII Спортивных игр народов Республики Саха (Якутия)
