МБУ "Усть-Алданское управление культуры" Муус устар 3 к. култуура үлэһиттэрин күнэ Дүпсүн нэһилиэгэр ыытылынна. Үөрүүлээх тэрээһиҥҥэ Дүпсүн нэһилиэгин баһылыга Сивцев Н.Н., культура управлениетын начальнигын солбуйааччы Стручкова С.М., улуус культуратын үлэһиттэрин идэлээх союһун кэмитиэтин бэрэссэдээтэлэ Аммосова Г.В. эҕэрдэ тыл эттилэр. СӨ культуратын туйгуннара ааты В.Д.Лонгинов аатынан Тандатааҕы норуот айымньытын киинин уус-уран салайааччыта Попова Анна Семеновнаҕа, С.Ф.Сивцев аатынан Баатаҕайдааҕы «Түмэн» норуот айымньытын киин методиһа Лугинова Людмила Семеновнаҕа, кииннэммит библиотека тиһигин кылаабынай библиограба Аянитова Алдана Егоровнаҕа туттардылар. Көрдөөх эстафета, бүлүүдэҕэ сааскы композицияҕа күрэх таһырдьа ыытылыннылар. Уопсай түмүккэ кыайыылааҕынан культура управлениетын, улуус түмэлин холбоһуктаах хамаандата буолла. Бары кыайыылаахтары, наҕараадаммыт дьоммутун эҕэрдэлиибит!