Дүпсүн нэһилиэгин бочуоттаах олохтооҕо, «Ситим» хомусчуттар ансаамбылларын тэрийээччитэ, “Кэскил” оҕо образцовай ансаамбылын тэрийээччилэртэн биирдэстэрэ Мария Михайловна Соловьева аатынан, кини сырдык кэриэһигэр сүгүрүйэн «Хомус ситимэ» күрэх

Үтүө киһи аата үйэлэргэ умнуллубат!

Сэтинньи 26 күнүгэр Уус Алдан улууһугар Дүпсүн нэһилиэгэр Олоҥхо уонна хомус декадатын чэрчитинэн биир кэрэ бэлиэ түгэн буолла.
Айнура Абдурашитовна Стручкова авторскай бырайыагынан Саха сиригэр ийэ сылыгар аналлаах бүтүн улуустааҕы Дүпсүн нэһилиэгин бочуоттаах олохтооҕо, «Ситим» хомусчуттар ансаамбылларын тэрийээччитэ, “Кэскил” оҕо образцовай ансаамбылын тэрийээччилэртэн биирдэстэрэ Мария Михайловна Соловьева аатынан, кини сырдык кэриэһигэр сүгүрүйэн «Хомус ситимэ» күрэх буолан ааста.
Лена Семеновна Павлова, [26.11.2022 22:58]
Аан маҥнайгынан ыытыллар хомус күрэҕэр барыта 7 нэһилиэктэн 11 кыттааччы: Дьокуускай куораттан, Мүрү, Бэрт – Ууһа, 2 – с Лөгөй, Найахы, Өнөр, Дүпсүн нэһилиэктэриттэн кыттыыны ыллылар.

Ыҥырыыбытын ылынан, Уус Алдан улууһун культуратын салалтатыттан күрэхпитигэр кэлэн күүс – көмө буолбуттарыгар улахан махталбытын тириэрдэбит:

Улуустааҕы культура управлениятын солбуйар начальнигар, улуустааҕы общественнай түмсүүлэр Координационнай киинин салайааччытыгар, улуустааҕы Хомус общественнай түмсүү салайааччытыгар – Лена Семеновна Павловаҕа.

Улуустааҕы культура управлениятын кылаабынай специалиһыгар, Саха республикатын культуратын туйгунугар Анна Егоровна Федороваҕа

Улуустааҕы Олоҥхо дьиэтин этнокультурнай киин директорыгар, алгысчыт – Айаал Гаврильевич Аргуновка.

Бороҕоннооҕу оҕо искусство оскуолатын директорыгар, культура туйгунугар Гаврил Егорович Петуховка

Саха республикатын культуратын туйгунугар, Тандатааҕы Владимир Денисович Лонгинов аатынан норуот айымньытын киинин салайааччытыгар, бүтүн улуустааҕы хомус күрэҕин «Хомус кырдала» проект авторыгар, хомусчут — импровизатор, дьүүллүүр сүбэ бэрэссэдээтэлэлигэр -Альберт Алексеевич Находкиҥҥа.

Саха республикатын культуратын туйгунугар, Дүпсүн нэһилиэгин бочуоттаах гражданиныгар, үлэ бэтэрээнигэр, Дүпсүн нэһилиэгин кырдьаҕастарын сэбиэтин бэрэссэдээтэллэригэр – Ульяна Ильинична Босиковаҕа

Ол курдук, бу күн, Мария Михайловна үтүө аатын, олоҕун, айар үлэтин үйэтитэн, кини сырдык кэриэһигэр ыытыллыбыт улуустааҕы күрэхпитигэр
И.Н. Жирков аатынан Дүпсүн орто оскуолатын саха тылын учуутала, «Кэскил» оҕо образцовай ансаамбыл салайааччытаТамара Семеновна Михайлова, Дүпсүн нэһилиэгин кырдьаҕастарын сэбиэтин бэрэссэдээтэлэ– Ульяна Ильинична Босикова, И.Н. Жирков аатынан Дүпсүн орто оскуолатын учууталлара, бииргэ үлэлээбит коллегалара Людмила Петровна Бурцева, Раиса Петровна Протопопова, Ольга Федоровна Протопопова, «Ситим» ансаамбыл хомусчуттара, бииргэ алтыспыт дьүөгэлэрэ Октябрина Петровна Жиркова, Наталья Петровна Копырина, куйаар ситимин нөҥүө Мария Михайловнаны ахтан санаан аастылар үөрэппит, хомуска уһуйбут оҕолоро, уолаттара. Турция сириттэн Анкара куоратыттан Алдан Рожин,
Дьокуускай куораттан Максим Кирович Аммосов аатынан хотугулуу илин федеральнай университетын студена, хомус ууһа Спиридон Иванов, 84 сыллаах выпусниктар ааттарыттан Марианна Михайловна Копырина
ахтан – санаан аастылар үөлэннээхтэрэ, үөрэппит оҕолоро, чугастык алтыспыт дьоно.

Бүгүҥҥү үөрүүлээх үтүө күммүт үүммүтүн туһугар, саргылаах күммүт салаллыбытын өрөгөйдөөн тураммыт Мария Михайловна Соловьева аатынан аан маҥнайгытын ыытыллыбыт «Хомус ситимэ» күрэхпитигэр бастыҥнартан бастыҥнары дьүүллүр сүбэ быһаарыытынан таллыбыт
1. «Этигэн хомусчут» анал ааты ылла Серж Соловьев, Дүпсүн нэһилиэгэ – бирииһи олохтоотулар КСК “Куруку” коллектива.
2. “Кэскиллээх хомусчут” анал ааты ылла Дьулус Алексеев, Дүпсүн нэһилиэгэ – бирииһи олохтоото “Кэскил” хомусчуттар ансаамбылларын 2012-2022 сыл выпускниктара.
3. “Дьүрүһүтэр хомусчут” анал ааты ылла Октябрина Жиркова, Дүпсүн нэһилиэгэ — бирииһи олохтоото “Кэскил” хомусчуттар ансаамбылларын 2012-2022 сыл выпускниктара.
4. “Оһуордаах хомусчут” анал ааты ылла Ноябрина Сивцева, Дүпсү нэһилиэгэ — бирииһи олохтоото “Кэскил” хомусчуттар ансаамбылларын 2012-2022 сыл выпускниктара.
5. III үктэл – Алена Макарова, Найахы нэһилиэгэ – бирииһи олохтоото Октябрина Петровна Жиркова уонна Сергей Петрович Соловьев.
6. II үктэл – Егор Ширяев, Сырдаах нэһилиэгэ – бирииһи олохтоото Тандатааҕы В.Д. Лонгинов аатынан норуот айымньытын киинэ.
7. I үктэл – Нюргуяна Куприянова, 2-с Лөгөй нэһилиэгэ – бирииһи олохтоото “Ситим” хомусчуттар ансаамбыллара уонна М.М. Соловьева үөрэнээччитэ Лариса Егоровна.
8. III үрдэл – Анатолий Свинобоев, Найахы нэһилиэгэ – бирииһи олохтоото тимир ууһа Спиридон Алексеевич Иванов.
9. II үрдэл – Василий Федоров, Өнөр нэһилиэгэ – бирииһи олохтоото Улуустааҕы хомус түмсүүтэ.
10. I үрдэл – Николай Прибылых, Дүпсүн нэһилиэгэ – бирииһи олохтоото Алдан Иннокентьевич Рожин.
11.

Лена Семеновна Павлова, [26.11.2022 22:58]
“КЫЛААН ЧЫПЧААЛ” ааты ылла Прокопий Степанов, Мүрү нэһилиэгэ — бирииһи олохтоото “Кэскил” хомусчуттар ансаамбылларын 2012-2022 сыл выпускниктара.

Өссө даҕаны үүнүн, сайдын, хомус дьүрүскэн тыаһынан дьоҥҥутун, сэргэҕитин үөрдэ сылдьын, киэҥ эйгэҕэ сырдыкка көтүтэ сылдьын диэн баҕа санаабытын этэбит.

Дьүрүһүйэ тур, сахам хомуһа!
Үйэттэн үйэлэр тухары!
Норуотум киэҥ туттуута буолан
Аар саарга аатыра тур!