XI-c төгүлүн ыытыллыбыт илин эҥэр уонна киин улуустар культуратын үлэһиттэрин профсоюһун Спартакиадата бэс ыйын 25-27 күннэригэр Суорун Омоллоон аатынан “Доҕордоһуу” музей түһүлгэтигэр ыытылынна.

Спартакиада үөрүүлээх аһыллыытыгар Уус-Алдан улууһун баһылыга А.В.Федотов кыттыыны ылла, күрэхтэһии кыттыылаахтарыгар ким бэлэмнээх, ким түмсүүлээх – ол кыайарыгар алгыс тылын анаата.  Спартакиадаҕа Таатта, Мэҥэ-Хаҥалас, Хаҥалас, Нам, Уус-Алдан улууһун культуратын үлэһиттэрэ спорт 6 көрүҥэр күөн-көрүстүлэр. Күрэхтэһиигэ көрүҥнэринэн (волейболга Васильев А.А., мас тардыһыытыгар Готовцев И.С., эстафетаҕа Румянцев В.И., канатка Перевалов П.Н., ытыыга Куличкина О.Е., веселые старты Готовцев Н.Н.), Е.Ф.Габышев аатынан оҕо спортивнай оскуолатын тренердара судьуйаатылар, кылаабынай судьуйанан директор Н.Н.Готовцев, кылаабынай сэкэрэтээринэн ытыыга тренер О.Е.Куличкина үлэлээтилэр. Эрийсиилээх, хатыһыылаах, ыһыылаах – хаһыылаах күрэхтэһиилэр түмүктэринэн чэпчэки атлетика, мас тардыһыы, квест-оонньуу (веселые старты) көрүҥнэригэр 1, волейбол, канат тардыытыгар 2 уонна ытыы көрүҥэр 3 миэстэлэри ылан Уус-Алдан улууһун культуратын үлэһиттэрин хамаандата (капитан Ануфриева Н.Н.) кыайыы өрөгөйүн биллилэр,  2 миэстэни Мэҥэ-Хаҥалас, 3 миэстэни Таатта улууһун хамаандалара ыллылар. Кыайыылаахтарга өрөспүүбүлүкэтээҕи культура үлэһиттэрин идэлээх сойууһун кэмитиэтин бэрэссэдээтэлин солбуйааччы В.Г.Михайлова 100.000, 80.000, 60.000 тыһыынча суумалаах сертификаттары Спартакиада үөрүүлээх сабыллыытыгар туттарда.

Спартакиада культурнай программатыгар бастакы күн “Тыыннаах” бөлөх гитаристара Гаврил Свинобоев, Константин Слепцов “Костер тула” гитаранан ырыа түһүлгэтин тэрийдилэр, иккис күн киэһэтигэр бальнай үҥкүү конкурсугар Галина, Григорий Петровтар эдэрдэргэ 2, хамаанданан конкурска 1 миэстэлэри ыллылар. “Күлүү-сүрэх эмчитэ” дьээбэрэҥ конкурсугар Тумул сынньалаҥ киинин үлэһиттэрэ 2, Найахы культуратын үлэһиттэрэ анал ааттары ыллылар.

Спартакиада үрдүк таһымҥа ыытылларыгар бары усулуобуйаны тэрийбит Суорун Омоллоон аатынан  “Доҕордоһуу” музей (директор Новоприезжая Н.Я.), Е.Ф.Габышев аатынан оҕо спортивнай оскуолатын (директор Готовцев Н.Н.), Суотту учаастактааҕы балыыһатын (сэб. Саввина Е.П.)  коллективтарыгар, улуус культуратын чиэһин көмүскээбит спортсменнарбытыгар, тэрээһин боппуруостарга көмөлөспүт нэһилиэктэр сынньалаҥ кииннэрин, библиотека, музей  үлэһиттэригэр улуустааҕы культура управлениетын (начальник Аммосов И.И.), культура үлэһиттэрин идэлээх сойууһун комитетын (Аммосова Г.В.) ааттарыттан махталбытын тиэрдэбит.

error: МБУ \"Усть-Алданское управление культуры\"