⚜️ Бүгүн улууспутугар кэрэ бэлиэ күн үүннэ. Ол курдук улуустааҕы “Мындыр” маастардар түмсүүлэрэ тэриллибитэ 10 сылынан “Уус Алдан уран уустарын түһүлгэтэ 10 сыла” быыстапка үөрүүлээх аһыллыыта ыытылынна.
Улууспут талааннаах дьоно төрүт өбүгэ утум удьуордара буолаллар, ол курдук сүтэн испит үгэспитин сөргүтэн, киһи сэргии көрөр үлэлэрин оҥорон таһааран араас таһымнаах элбэх быыстапкаҕа кытталлар, Сахабыт сиригэр, тас дойдуларга ааттара-суоллара сураҕырар.
Быыстапкаҕа тимир, хомус, мас, кылдьыттар, кырадаһынынан тигии, өбүгэ таҥаһын уо.д.а уран уустарбыт хатыламмат, эриэккэс оҥоһуктара дьон-сэргэ сэҥээриитин ылла.
Быыстапка сэтинньи ый 10 күнүгэр дылы туруо. Кэлиҥ-көрүҥ, сэргээҥ!
«Мүрү саһарҕата» хаһыат кэрэспэндиэнин Ольга Шепелева хаартыскаҕа түһэриилэрэ
