Кулун тутар 6 күнүттэн, 3 сыл тохтобул кэнниттэн, Россияҕа Педагог уонна Уһуйааччы, Саха Өрөспүүбүлүкэтигэр Үлэ уонна Уус Алдан улууһугар биллэриллибит Инфраструктура сылларыгар анаммыт Уус Алдан улууһун нэһилиэктэрин икки ардыларыгар ыытыллар “Түмсүүнэн сайдыыга, үлэнэн үрдэлгэ” улуустааҕы бэстибээл саҕаланна.
Балаһыанньа быһыытынан бэстибээл икки бөлөҕүнэн, ол эбэтэр улахан, кыра нэһилиэктэргэ арахсан ыытыллар. Бэстибээлгэ нэһилиэктэр уус-уран самодеятельность кэнсиэрин уонна быыстапканан кытталлар.
Кэнсиэркэ дьүүллүүр Сүбэ толоруу маастарыстыбатын, маассабаһы, сценическэй культураны, көстүүмү, кэнсиэр режиссуратын, салайан ыытыыны сыаналыыр.
Быыстапкаҕа нэһилиэктэр нэһилиэккэ олорор үлэһит удьуор-утум дьоннорун билиһиннэриэхтэрэ, “Уһуйааччы – ситиһиигэ суолдьут” быыстапкалары туруоруохтара.
Нэһилиэктэр икки ардыларыгар ыытыллар бэстибээл графига.
Улахан нэһилиэктэр:
6 марта- Бэрт-Ууһун нэһилиэгэ (Сыырдаах)
10 марта- Суотту нэһилиэгэ
13 марта- Найахы нэһилиэгэ
14 марта- Байаҕантай нэһилиэгэ (Танда)
15 марта- Бороҕон нэһилиэгэ (Тумул)
16 марта- Курбуһах нэһилиэгэ
17 марта- Лөгөй нэһилиэгэ (Кэптэни)
20 марта- Дүпсүн нэһилиэгэ
21 марта- Өлтөх нэһилиэгэ (Бэйдиҥэ)
Кыра нэһилиэктэр:
6 марта- Хоро нэһилиэгэ (Майаҕас)
10 марта- Өспөх нэһилиэгэ
13 марта- II Байаҕантай нэһилиэгэ (Тиит-Арыы)
14 марта- Бээрийэ нэһилиэгэ
15 марта- II Лөгөй нэһилиэгэ (Тулуна)
16 марта- Чэриктэй нэһилиэгэ
17 марта- Түүлээх нэһилиэгэ
20 марта- Өнөр нэһилиэгэ
21 марта- I Хоро нэһилиэгэ (Чаран)
22 марта- II Өспөх нэһилиэгэ (Уһун-Күөл)
23 марта- Баатаҕай нэһилиэгэ
Бэстибээл түмүгүнэн улуус Аҕа баһылыга туруорбут анал бирииһин 1 000 000 солкуобайы кыайыылах нэһилиэктэр 5 00 000 солкуобайынан ылыахтара. “Түмсүүнэн сайдыыга, үлэнэн үрдэлгэ” улуустааҕы бэстибээли улахан нэһилиэктэргэ Бэрт-Ууһа, кыра нэһилиэктэргэ Хоро нэһилиэгэ саҕалаатылар.
