⭕️ Доруобуйаларынан хааччахтаах дьон декадаларын чэрчитинэн, ураты көрүүлээх оҕолор ийэлэрэ “Күүстээх санаалаах күн күбэй ийэлэр” диэн үтүө тэрээһиҥҥэ түмүстүлэр.
⭕️ Ийэлэри арыылаах алаадьынан айах тутан, баҕа санаа бастыҥын анаан, Мүрү нэһилиэгин дьахталларын “Алаас Хотуна” түмсүүтэ, салайааччыта Валентина Шадрина көрүстүлэр.
⭕️ Ийэлэргэ үгүс махтал тыллар этилиннилэр, эҕэрдэ суруктар туттарылыннылар. Ураты көрүүлээх оҕолоох ийэлэр «Ымыы» түмсүүлэрин салайааччыта Ася Матвеева түөрт сыл устата таһаарыылаахтык үлэлиир түмсүүтүн үлэтин билиһиннэрдэ, ийэлэргэ махтал суруктары туттарда.
⭕️Тэрээһини уран тарбахтаах талааннаах ийэлэр оҥоһуктарын быыстапката ситэрэн-хоторон, киэргэтэн биэрдэ. Манна оҕуруонан симэхтэр, түүлээҕинэн киэргэллэр, мозайканан хартыыналар, хаартыскаҕа түһэриилэр, о.д.а. кэккэлэспиттэр.
Мустубут ийэлэр, кыһыҥҥы тыйыс тымныыны аахсыбакка, ирэ-хоро кэпсэтэн, сэргэхсийэн бардылар.
✍️ Ольга Шепелева
@murusahargata
