Улуустааҕы культура управлениетын начальнигынан Нафанаилов Сергей Сергеевич ананна. Саҥа салайааччыны культура үлэһиттэригэр Уус Алдан улууһун аҕа баһылыга Аммосов Василий Иванович, оройуоннааҕы депутаттар Сэбиэттэрин бэрэссэдээтэлэ Аммосов Иннокентий Иннокентьевич билиһиннэрдилэр.
Сергей Сергеевич Нафанаилов Бээди бөһүөлэгиттэн төрүттээх, 2017 сыллаахха Лөгөй орто оскуолатын кыһыл көмүс мэтээлинэн бүтэрбитэ.
2023 сыллаахха ХИФУ Арассыыйа Хотугу-Илиҥҥи омуктарын култууратын уонна тыл институтун магистратуратын бүтэрэн филолог идэтин ылбыта.
Устудьуоннуу сылдьан 2021–2023 сс. ХИФУ ППОС (университет устудьуоннарын профсойууһун түмсүүтэ) бэрэссэдээтэлин бастакы солбуйааччытынан ситиһиилээхтик, таһаарыылаахтык үлэлээбитэ.
2022-2023 сс. “Биир Ньыгыл Арассыыйа эдэр гвардееһа” Бүтүн Арассыыйатааҕы уопсастыбаннай түмсүү Саха сиринээҕи салаатын эрэгийиэннээҕи штабын чилиэнэ.
2020-2022 сс., ойууур баһаарын утары үлэ, “Донбасс оҕолоругар” гуманитарнай көмөнү хомуйуу, “Азия оҕолоро – 2016” оонньуулар, Бороҕоҥҥо ыытыллыбыт “Саха сирин норуоттарын спортивнай оонньуулара – 2022” тэрээһиннэр волонтерскай хамсааһыннарын актыыбынай кыттыылааҕа.
Для отправки комментария необходимо войти на сайт.