Кулун тутар 7 күнүгэр улууспутугар «Улуу Кыайыы өрөгөйдөөх 75 сылыгар — 75 кэнсиэр» диэн темалаах көрсүһүү улуус киинигэр «Уолан» гимназияҕа уонна 1 Хоро нэһилиэгэр Кулантай аатынан литературнай музей-комплекса ыытылынна. Бу көрсүһүү-кэнсиэр тэрийээччилэринэн буоллулар СӨ култууратын үтүөлээх үлэһитэ, Мэҥэ-Хаҥалас улууһун бочуоттаах олохтооҕо Дмитрий Дмитриевич Тихонов, СӨ култууратын туйгуна Валериан Георгиевич Емельянов, Нам улууһун бочуоттаах олохтооҕо, тойуксут, Мэҥэ-Хаҥалас улууһун бочуоттаах олохтооҕо Александр Михайлович Андреев. Дмитрий Тихонов сэрии, Кыайыы туһунан ырыалары толорбутун, Валериан Емельянов баянҥа доҕоһуоллаабытын, Александр Андреев хоһоон ааҕыытын, хомуһу тардыытын эдэр көлүөнэ ыччаттар, ветераннар астыннылар, долгуйдулар, биһирээтилэр. Ытыктанар ыалдьыттарбытыгар улууспут баһылыга Алексей Федотов махтал суруктара туттарылыннылар.
