Саха сирин норуоттарын VIII-с спортивнай оонньууларын ыытыллар күннэригэр Саха Автономиятын тэриллибитэ 100 сылынан 100 култуурунай тэрээһин ыытыллара былааннанар. Бу тэрээһиннэри тута суруйан, хаартыскаҕа түһэрэн, дьоҥҥо-сэргэҕэ сырдатар уонна култуура фондатын устуоруйатыгар тиһэр сыаллаах улуус култууратын салалтатын иһинэн пресс-киин тэрилиннэ. Манна СӨ Култуураҕа уонна духуобунай сайдыыга миниистирин солбуйааччы Валерий Левочкин, СӨ национальнай бибилэтиэкэтин медиа-киинин кылаабынай бибилэтиэкэрдэрэ, Марфа, Сергей Расторгуевтар ааттарынан СӨ государственнай циркатын үлэһиттэрэ, “Мүрү Саһарҕата”улуус хаһыатын кэрэспэдьиэннэрэ уонна улуус бибилэтиэкэтин, мусуойун үлэһиттэрэ киирдилэр.
Пресс-киин үлэтин Уус Алдан култууратын салалтатын начаалынньыгын солбуйааччы Лена Павлова салайыаҕа.
