Муус устар 5 күнүгэр улуустааҕы Олоҥхо дьиэтигэр Саха Өрөспүүбүлүкэтин Олоҥхо тыйаатырын артыыстара: Гаврил Менкяров, Василина Баланова, Анастасия Алексеева улуус олоҥхоҕо уһуйааччыларын, олоҥхону толорор оҕолорун кытта көрсөн маастар кылаас биэрдилэр. Көрсүһүүгэ 14 оскуолаттан 82 оҕо, 15 уһуйааччы, «Ийэ тыл түһэ» түмсүүттэн кыттыыны ыллылар.
— Василина Баланова кылыһах, тойук үөскээһинигэр билиитин кэпсээтэ.
— Анастасия Алексеева олоҥхону айыыга бэйэтин уопутуттан үллэһиннэ.
— Гаврил Менкяров Олоҥхо тыйаатыра тэрийэр «Битва в стиле олонхо» олоҥхо оонньуутун билиһиннэрдэ. Мустубут оҕолор бу оонньууну оонньоон бэйэлэрин холонон көрдүлэр. Бэриллибит бириэмэҕэ хамаандаҕа арахсан бэйэлэрин уус-ураннык дьүһүйүүгэ, олоҥхо сюжеттарын хоһуйууга, өбүгэ оонньууларыгар күөн көрүстүлэр. Уһуйааччылар Олоҥхо театрын артыыстарын кытта төгүрүк остуол тула олорон «Битва в стиле олонхо» оонньууну тэрийии боппуруостарын илдьиритистилэр. Түмүккэ аны күһүн улууспутугар олоҥхону истии эйгэтигэр, олоҥхону тарҕатар, оҕолор олук тылларын тутталларын иҥэрэр сыаллаах тэриллэр «Битва в стиле олонхо» оонньууну тэрийэр туһунан сүбэлэҥ түһэрилиннэ.
