Саха өрөспүүбүлүкэтин Ил Дархана саха төрүт култууратын илдьэ сылдьааччыларга стипендиятын биир дойдулаахпыт Семен Ильич Черноградскай ылла

Бүгүн, сэтинньи ый 24 күнүгэр, Олоҥхо күнүн иннинэ Саха өрөспүүбүлүкэтин Ил Дарханын стипендиятын саха төрүт култууратын илдьэ сылдьааччыларга туттардылар. Бу стипендияны 20 олоҥхоһут, оһуохайдьыт, уус ыллылар. 30 тыһыынча сууммалаах стипендия кэлэр сылтан биир сыл болдьохтоох ыйын аайы ылыахтара.
Биһиги улууспутуттан бу судаарыстыбаттан өйөбүлү СР үөрэҕириитин, культуратын туйгуна, СР спордун үтүөлээх үлэһитэ, Россия физкультуратын уонна спордун туйгуна, Уус Алдан улууһун, Өнөр, Мүрү нэһилиэктэрин бочуоттаах гражданина, спортсмен, учуутал, олоҥхону толорооччу, тарҕатааччы, оһуохайдьыт, тойуксут, ырыа-хоһоон айааччы Семен Ильич Черноградскай ылла!
Семен Ильич элбэх өрөспүүбүлүкэтээҕи оһуохай күөн күрэһин кыайыылааҕа. 2012 сылга “Дархан этээччи”, 2022 сылга “Аар Дархан этээччи” анал ааты ылары ситиспитэ. 2011 сылтан Өрөспүүбүлүкэтээҕи «Оһуохай» түмсүү салайааччытын солбуйар.
Семен Ильиһы төрүт культура сайдыытыгар киллэрбит кылаатын үрдүк сыанабылы ылбытынан, улууһун олохтоохторун ааттарыттын итиитик-истиҥник эҕэрдэлиибит! Үтүө -мааны киһибитигэр ыалдьары билбэккэ, кырдьарга бэриммэккэ дьоҥҥун-сэргэҕин үөрдэ, өссө да ырыанан айхаллана сырыт, улуу Олоҥхо курдук уһун үйэлэн!