Бүгүн республиканскай «Күн эйгэ — бастыҥ кулууп үлэһитэ» күрэх улуус иһинээҕи сүүмэрдиир күрэҕэ ыытылынна. Милена Рязанская, Уус — Күөлүн «Сандал» сынньалаҥ киинин, Василий Копырин, Тумуллааҕы «Түмсүү» сынньалаҥ киинин специалистара, Игнатий Слепцов, А.П.Петров аатынан Бэйдиҥэтээҕи норуот айымньытын киинин директора, Александр Гоголев, В.В.Никифоров — Күлүмнүүр «Тойон Мүрү» культура дыбарыаһын, Екатерина Готовцева, В.Д.Лонгинов аатынан Тандатааҕы норуот айымньытын киинин специалистара кытыннылар. Ол курдук, 4 түһүмэхтээх күрэх түмүгүнэн кыайыылаахтарынан Александр Гоголев, Екатерина Готовцева буоллулар. Бары кыттыбыттар харчылаах сертификаттарынан наҕараадаланнылар. Кыайыылаах биир идэлээхтэрбитигэр алтынньы 3 к.буолар республиканскай «Күн Эйгэ — бастыҥ кулууп үлэһитэ» күрэххэ үрдүк ситиһиилэри баҕарабыт!✊✊✊
