Улуус культураҕа управлениетын начальнига И.И. Аммосов улуус бары культуратын үлэһиттэрин, араас сылларга үлэлээн ааспыт культура ветераннарын ааттарыттан РДНТ коллективын үбүлүөйдээх сылларынан эҕэрдэлээн туран, бу сылларга биир ситимнээх үлэ ыытыллан кэлбитигэр махталын биллэрдэ, инникитин даҕаны өрүспүүбүлүкэ культуратын сайыннарыыга күүстээх үлэ барарыгар эрэлин биллэрдэ.
Бу сыллар устата тэрилтэ өрөспүүбүлүкэ кулууптарын кытта ыкса ситимнээх үлэни ыытан кэллэ. Ол курдук, норуот айар талааннаахтарын, уус-уран самодеятельность сайдыытын, өрөспүүбүлүкэ норуоттарын төрүт культураларын тилиннэриигэ, тыыннаах хаалларыыга, сайыннарыыга, нэһилиэнньэ иллэҥ кэмин сөптөөхтүк, туһалаахтык атаарарыгар сөптөөх усулуобуйаны оҥорууга ирдэбиллэри туруоран, саҥа сүүрээннэри киллэриигэ үгүс элбэх үлэ ыытылынна. Бу тэрилтэҕэ биһиги биир дойдулаахпыт, ССРС культуратын туйгуна, СР култууратын үтүөлээх үлэһитэ С.В. Хон методическай үлэни саҥа таһымҥа таһааран үлэни ыыппытын үрдүктүк сыаналыыбыт, махтана ахтабыт.
