- Р.П. Алексеев туһунан СР культуратын үтүөлээх үлэһитэ, культура ветерана М.З. Сивцева, олоҥхону үөрэтээччи, фольклорист, филологическай наука доктора, профессор, ХИФУХотугулуу — Илинни норуоттар тылларын уонна култуураларын үнүстүүтүн фольклор кафедратын сэбиэдиссэйэ, СӨ наукатын үтүөлээх деятелэ, РФ үрдүк үөрэхтээhинин бочуоттаах үлэhитэ В.В. Илларионов, Р.П. Алексеев сиэнэ Л.Г. Шелковникова истиҥ иһирэх ахтыылара;
- Олоҥхоһут, ырыаһыт Р.П. Алексеев – Бөҕө Арамаана аҕатын Петр Алексеев “Айыы Дьаргыстай” олоҥхоттон киирии тылын, бэйэтэ айан тыыннааҕар толорбут чабырҕахтарын толоруута;
- “Олоҥхоһут Бөҕө Арамаана” документальнай киинэ, 2011сыл, “Аал Луук Мас” студия (ааптар Евдокия Избекова).
Уус уран тыл сүмэһинин иҥэриммит, саха норуотун улууканнаах баайыгар – олоҥхоҕо кыра сааһыттан уһуллан, улуу олоҥхоһуттартан үөрэнэн үс үйэлээх “Алаатыыр Ала Туйгун” олоҥхону суруйан сурукка – бичиккэ хаалларбыт, айылҕаттан айдарыылаах, өрөспүүбүлүкэ биллэр уос олоҥхоһуттарыттан биирдэстэрэ Бөҕө уола Роман Петрович Алексеев туһунан биэриини сэргии көрөргүтүгэр ыҥырабыт.
