Олунньу 12 күнүгэр «Тойон Мүрү» култуура дыбарыаһыгар көрөөччүлэр классическай музыка долгунугар умустубут. Бу күн “Музыка на вечной мерзлоте” фестиваль чэрчитинэн Суорун Омоллоон аатынан опера уонна балет судаарыстыбаннай тыйаатыр артыыстара, Саха Өрөспүүбүлүкэтин норуодунай артыыһа Григорий Петров, СӨ култууратын туйгуна, биир дойдулаахпыт Зинаида Колодезникова, аан дойдутааҕы конкурстар лауреаттара, Саха филармониятын артыыстара скрипач Олег Уларов, пианист Константин Данилов, кларнетист, Москватааҕы консерватория артыыһа Ирина Доргуева классическай музыка концерын бэлэхтээтилэр. П. Иванова, К. Герасимов, Г. Комраков, П. Чайковскай, Имре Кальман, Верди айымньылара ылланнылар, скрипкаҕа, кларнетка, пианинаҕа оонньоон көрөөччүлэр уҕараабат дохсун ытыс тыаһын бэлэхтээтилэр.
