Олунньу 13 күнүгэр улууспутугар IV төгүлүн ыытыллыбыт «Мүрү үҥкүүлүүр» күрэскэ Тааттаттан, Чурапчыттан, Амматтан, Мэҥэ Хаҥаластан, Намтан, Горнайтан, Уус Алдантан, Дьокуускайтан, Тулагыттан барыта 787 үҥкүүһүт кэлэн кытыннылар.
Төрдүс төгүлүн дьүүллүүр сүбэ председателинэн А.Д. Макарова аатынан култуура колледжын преподавателэ, СӨ култууратын үтүөлээх үлэһитэ Станислав Степанов үлэлээтэ, чилиэннэринэн СӨ норуодунай артыыһа, Арассыыйа култууратын үтүөлээх үлэһитэ Дмитрий Артемьев, өрөспүүбүлүкэтээҕи Норуот айымньытын дьиэтин специалиһа, СӨ үөрэҕириитин, култууратын туйгуна, «Учууталлар Учууталлара», «Методист Якутии» анал бэлиэлэр хаһаайыннара, РФ уопсай үөрэхтээһинин бочуоттаах үлэһитэ Николай Терютин, Арктикатааҕы ускуустуба, култуура уонна айар индустрия судаарыстыбаннай университетын доцена, СӨ
култууратын уонна профессиональнай үөрэхтээһин туйгуна, норуоттар икки ардыларынааҕы хореографтар сойуустарын чилиэнэ Анастасия Сидорова, СӨ култууратын үтүөлээх үлэһитэ, Найахы, Уус Алдан бочуоттаах олохтооҕо Мария Сивцева үлэлээтилэр.
Муҥутуур кыайыылаахтарынан оҕолорго Тааттаттан «Доҕордоhуу» норуодунай ансаамбыл (сал. Валентин Козлов), улахан дьоҥҥо Дьокуускайтан «Уран» үҥкүү ансаамбыла (сал. Ньургун Индеев) ыллылар.
Күрэспитигэр кэлэн кыттыбыт бары үҥкүү коллективтарыгар, салайааччыларыгар, партнёрбутугар Мүрү нэһилиэгин баһылыгар Прокопий Румянцевка, «Тойон Мүрү» култуура дыбарыаһын коллективыгар, салайааччы Максим Гоголевка Уус Алдан хореографтарын ассоциациятын аатыттан барҕа махталбытын тиэрдэбит.
Ульяна Ноговицына, хореографтар улуустааҕы ассоциацияларын салайааччыта
