Кулун тутар 27 күнүгэр «50 сыллаах история» бырайыак чэрчитинэн «КЭНЧЭЭРИ – олоҕум суолун айар кэрчигэ» Дьокуускай куорат Строительнай рынок выставочнай саалатыгар ыытылынна. Бу күн «Уһуктуу». Саҥа көстүүлэри улахан экраҥҥа көрүү ыытылынна.
«Кэнчээрилиин бииргэ» диэн кэпсэтиини, урукку уонна билиҥҥи үтүө түгэннэри санаһан ылыыны салайан ыыттылар Нюргуяна Феоктистова уонна Туйаара Павлова.
«Ыллаа — туой, үҥкүүлээ — дууһам иэйиитэ», Саха Аркыастырынан, «Кэнчээри» репертуардарыттан ырыалар уонна үҥкүүлэр аудиоҕа, видеоҕа уһуллан үйэтитилиннилэр.
Бииргэ алтыһан үлэлээбит «Хотугу сулус» оҕо телерадиоакадемиятын генеральнай директора Т.А.Гоголева выпускниктарга эҕэрдэтин, үтүө-баҕа санаатын тириэртэ, «Атласовтар этнокомплекс- уһаайба» төрүттээччитэ В.Н. Атласов үбүлүөйдээх сылынан кэнчээрилэргэ 2 сценическай дүҥүрдэри бэлэхтээтэ.
«Кэнчээри» ансаамбыл араас көлүөнэ выпускниктара махтал тылларын тириэртилэр тэрээһини тэрийбит «Айар кут» бөлөххө салайааччы Егор Ивановка, биир дойдулаахтарбытыгар С.А.Зверев -Кыыл Уола аатынан СӨ үҥкүү национальнай театрын оркестрын кылаабынай дирижеругар Н.П.Петровка, Строительнай рынок директорыгар И.И.Даниловка, тэрээһини өйөөн транспорынан хааччыйьыт улуус дьаһалтатыгар.
