Олунньу 19 күнүгэр Уус Алдан улууһун баянистарын түмсүүтэ «Эйээр, дьиэрэй баяным» диэн ааттаах олус истиҥ кэнсиэринэн Байаҕантай нэһилиэгэр ыалдьыттаата. Бу кэнсиэр улууспут баянистарын ааттарын үйэтитэр сыаллаах кинигэ тахсыытыгар туһуламмыт акция кэнсиэр буолар.
Кэнсиэргэ кэлбит көрөөччүлэр саҕаланыаҕыттан бүтүөр диэри олус долгуйан, астынан ытыс тыаһынан хас биирдии кыттааччыны көрүстүлэр. Кэнсиэргэ улууспут бастыҥ баянистара Иннокентий Готовцев, Константин Иванов, Станислав Луковцев, Михаил Мигалкин, Владислав Кривошапкин, Николай Готовцев баян алыптаах дорҕоонун бэлэхтээтилэр.
Кэрэ куоластаах ырыаһыттар Евдокия Васильева, Анна Лугинова, Иван Карпов, Василий Петров, Иван Готовцев, «Дьиэрэй» эр дьон народнай коллектив ылбаҕай, истиҥ ырыаларынан кэрэ киэһэни киэргэттилэр.
Байаҕантай нэһилиэгин олохтоохторо Тандаҕа олорон ааспыт баянистарын ааттарын үйэтитиигэ олус көхтөөхтүк кыттан саала иһэ көрөөччүлэринэн туолла.
Олохторун баян доҕуһуолугар анаабыт күндү дьоннорбут:
— Петр Кононович Матвеев
— Иван Николаевич Готовцев
— Спиридон Гаврильевич Готовцев
— Константин Федотович Мигалкин
— Дмитрий Гаврильевитч Егоров
— Константин Ксенофонтович Кривошапкин
— Семен Степанович Готовцев
— Иван Пантелеймонович Находкин
— Петр Иванович Жирков
— Руслан Иванович Находкин
Сырдык ааттарын үйэтитэн акцияҕа кытыннылар кинилэр чугас дьоно, аймахтара, доҕотторо, бииргэ үөрэммиттэрэ.
Бу киэһэ барыта оруобуна 103.000 тыһыынча солкуобай кинигэ тахсыытыгар хомулунна.
Бука бары нэһилиэкпит олохтоохторугар акцияҕа кыттыбыккытыгар истиҥ махталбытын тиэрдэбит!
Анна Попова, В.Д. Лонгинов аатынан норуот айымньытын киинин уус-уран салайааччыта.
Танда бөһ.
