Уус Алдан улууһун “Олоҥхо Дьиэтэ” этнокультурнай киин көҕүлээһиннэринэн алтынньы ый 7 күнүгэр Балаҕаҥҥа алтынньы ый – Хотой Айыы ыйынан Алгыс ыытылынна. Сылдьыбыт дьон үөрэ отунан, хомус дьүрүскэн тыаһынан арчыланнылар, Аар Айыыларга, сирбит-дойдубут иччилэригэр үҥэн-сүгүрүйэн, Үрүҥ Күн анныттан үрүҥ күүһү көрдөһөн, куһаҕаны үтэйэр, Куту-Сүрү бөҕөргөтөр, олорор эйгэни ыраастыыр Алгыс ылыннылар, биир сомоҕо буолан, илии-илииттэн ылсан оһуохайдаатылар.
Уопсай тэрээһин кэннэ Уус-Алдан улууһун психологическай киинэ ис турук ыгылыйыытын, санаа-оноо долгуйуутун намтатар психологическай дьарык, биирдиилээн дьоҥҥо консультация, диагностика оҥордулар.
