Ахсынньы 2 күнүгэр Уус Алдан улууьугар Борогонно «Тойон Мүрү» култуура киинигэр Аан дойду виртуоз хомусчута Россия үтүөлээх артыыһа Петр Петрович Оготоев төрөөбүтэ 60 сылыгар анаан
Альберт Алексеевич Находкин ааптарскай бырайыагынан XI төгүлүн ыытыллар өрөспүүбүлүкэтээҕи «Хомус кырдала-2021» кыайыылаахтарын чиэстиир үөрүүлээх үс түһүмэхтээх тэрээһинигэр буолан ааста.
Ол курдук Бастакы түһүмэх: «Хомус күнэ Уус-Алдан улууһугар» үөрүүлээх чааһын арыллыыта
Иккис түһүмэх: Аан дойду виртуоз хомусчута Россия үтүөлээх артыыһа Петр Петрович Оготоев төрөөбүтэ 60 сылыгар анаан «Хомуһуннаах хомусчут аата үйэлэргэ» ахтыы
Үһүс түһүмэх: Альберт Алексеевич Находкин ааптарскай бырайыагынан XI төгүлүн ыытыллар өрөспүүбүлүкэтээҕи «Хомус кырдала-2021» кыайыылаахтарын эҕэрдэ нүөмэрдэрэ уонна наҕарадалааһын долгутуулаах чааһа. Ыҥырыылаах ыалдьыттарынан буоллулар Дьокуускай куораттан хомус Аан дойдутааҕы түмэлин директорын Дмитрий Дмитриевич Бястинов, Хомус Аан дойдутааҕы түмэлин специалииһэ Айсен Петрович Дьоллоохов «Хомус кырдала» хомус күрэҕин дьүүллүүр сүбэтин чилиэнэ, Хомус аан дойдутааҕы хомус түмэлин сүрүннүүр специалиһа Жиркова Туяра Анатольевна, «Хомус уолан — 2016» өрөспүүбүлүкэтээҕи П.П. Оготоев аатынан хомус тардыытыгар күҕн-күрэс кыайыылааҕа Артур Семенов, Хомус аан дойдутааҕы түмэлин научнай руководителя Эркин Алексеев уобсай тэрээһиҥҥэ кыттааччылыын 85 киһи сырытта.
