Сэтинньи 29 күнүгэр Күлүмнүүр аатынан култуура дыбарыаһыгар Илья Иванович Артамонов аатынан Найахы сынньалаҥ киинин коллектива тэрийиитинэн Найахы народнай хорун солистката, самодеятельнай ансаамбылы төрүттээччи Анна Ивановна Румянцева төрөөбүтэ 90 сылынан дьахталлар ансаамбылларын өрөспүүбүлүкэтээҕи иккис аһаҕас куонкурустара тэрилиннэ.
Өрөспүүбүлүкэ таһымнаах куонкуруска Мэҥэ Хаҥаластан «Айыына», «Санаайа», «Сардаана», «Айыллаана», Намтан «Сарыада», «Эҥсиэли Хотуттара», Таатта Баайаҕатыттан, Чурапчы улууһун Чыаппаратыттан «Дьүөгэ» кыттыыны ыллылар.
Уус-Алдантан Найахыттан «Найахыына», «Дьүөгэ», Өнөртөн «Дьүөгэ», «Иэйии», Сыырдаахтан, Кэптэниттэн, Баатаҕайтан, Мүрүттэн «Сардаана», «Тумарык», «Айыллаана» ансаамбылларын кэрэ Далбардара куоластарын дьиэрэтэ ыллаатылар.
Күрэскэ патриотическай ис хоһоонноох уонна биир көҥүл ырыа толорулунна.
Дьүүллүүр сүбэҕэ Дьокуускайтан СӨ филармониятын хормейстера, СӨ искусствотын үтүөлээх деятелэ Людмила Анатольевна Шумилова, Дьок уускайдааҕы культура коллеһын преподавателэ, СӨ култууратын туйгуна Снежана Иннокентьевна Турантаева, Дьокуускайдааҕы музыкальнай колледж үрдүк категориялаах преподавателэ Мария Христафоровна Степанова үлэлээтилэр.
Ырыа күрэҕин түмүгүнэн:
«Кэхтибэт талаан» Таатта, Баайаҕа (Луковцев С.Н. 5000 бирииһэ)
«Лучший концертмейстер» Василий Федоров Өнөр (бириис 3000 Парников В.С.)
«Лучшее исполнение а капелла» — «Найахыына», (Найахы народнай хорун хормейстердарын бирииһэ 5000 )
Дипломант 3 ст Чурапчы Чыаппара (Найахы хорун коллективын бирииһэ (10 000)
Дипломант 2 степ Мүрү «Тумарык» (Найахы хорун ветераннарын бирииһэ 15 000)
Дипломант 1 ст Нам (Найахы кулууба , Найахы хора 20 000 бириис)
Лауреат 3 ст Төҥүлү ( Найахы кулууба 25 000)
Лауреат 2 ст Төҥүлү «Сардаана» (Найахы нэһилиэгин дьаһалтата 30 000 бириис)
Лауреат 1 ст Майа (А.И. Румянцева аймахтара Дыргыабай сыдьааннара 35 000)
Гран При «Найахыына » Найахы (Румянцева А.И. оҕолорун, сиэннэрин, бииргэ төрөөбүт эдьиийин кыыһа 100.000 )
