Олунньу 20 күнүгэр Саха АССР ускуустубаларын үтүөлээх деятелэ, РСФСР култууратын үтүөлээх үлэһитэ, саха норуотун ырыаһыта, тойуксута, ССРС суруйааччыларын сойууһун чилиэнэ, Сэргэй Сибиэрэп- Кыыл уола 125 сылын көрсө айымньыылаах айан 2 түһүмэҕэ, кэлэр кэскили түстүүр түһүлгэтэ улуустааҕы Олонхо дьиэтигэр буолла. Түһүлгэ Сунтаардаа5ы Сэргэй Сибиэрэп –Кыыл Уолун аатынан холбоһуктаах түмэлгэ хараллыыга турар маллартан “Сарсын, сарсын сарсыарда…” быыстапка үөрүүлээх аһыллыытынан саҕаланна. “Саха төрүт үҥкүүтэ”, “Оһуохай”, “Олонхо”, “Тойук”, “Сылгы симэҕин тигиитигэр” маастар кылаастар ыытылыннылар. Тэрээһин санаа атастаһыытынан, төгүрүк остуолунан түмүктэннэ. Төгүрүк остуолу иилээн-саҕалаан ыытта СӨ култууратын уонна үөрэҕириитин туйгуна, Сунтаар култууратын уонна айылгытын салайааччыта Омукова Саргылана Дмитриевна. “Һаха һахатынан кэрэ” эҕэрдэ кэнсиэрт Майаҕастааҕы Түмсүү норуот айымньы киинигэр ыытылынна.
