Круглый стол посвященный к 40 летию ДЭЦ «Кэнчээри»

Уус — Алдан улууһун, Саха Өрөспүүбүлүкэтин араас таhымнаах түһүлгэлэргэ, Аан дойду араас муннуктарыгар  ааттаппыт, көрдөрбүт Саха сирин бастакы академическай хоровой, Россия үтүөлээх народнай кэлэктиибэ «Кэнчээри», Аан дойду таһымыгар тахсан сахалар да сатаан ыллыыллар дэппитэ — быйыл 40 сылын бэлиэтиир. Ол бэлиэ күҥҥэ түбэһиннэрэн тохсунньу 10 күнүгэр, Национальнай бибилэтиэкэ  историческай саалатыгар төгүрүк остуол ыытылынна. Мунньаҕы иилээн-саҕалаан улуустааҕы култуура салалтатын начаалынньыгын солбуйааччы Л.С.Павлова ыытта. Бу сыллар тухары ансаамбыл хайдах үлэлээн кэлбитин, хас төгүл Аан дойду ырыа күрэхтэрин кыайыылааҕа буолбутун энтузиаст-салайааччы, Арассыыйа, СӨ култууратын үтүөлээх үлэһитэ В.С. Парников мустубут дьоҥҥо, ыалдьыттарга иһитиннэрдэ. Төгүрүк остуолга кыттыыны ыллылар:

Владимир Петрович Корякин-Индигирскай, СӨ культуратын үтүөлээх үлэһитэ, искусство оскуолатын преподавателэ

Владимир Семенович Жирков, педколледж музыкальнай отделениетын завуһа, СӨ үөрэҕэриитин үтүөлээх үлэһитэ

Алексей Кириллович Калининскай-Луҥха Өлөксөй, биллиилээх мелодист, общественнай деятель, В.С.Парников тэрийбит Тойон Мүрү мелодистар түмсүүлэрин бастакы кыттыылааҕа, СӨ ыытыллар  Ырыа кчнэ бырайыак автора, СӨ культуратын үтүөлээх үлэһитэ

Надежда Семеновна Толбонова, СӨ культуратын үтүөлээх үлэһитэ

Михаил Михайлович Донской, республикатааҕы ресурснай проектнай киин директора

Анастасия Титовна Аммосова, республикатааҕы норуот айымньыытын дьиэтин специалиһа, СӨ культууратын туйгуна

Анжелика Николаевна Бережнева, «Юные якутяне”  ресурснай киинтэн

Татьяна Владимировна Павлова-Борисова, Бүтүн Россиятааҕы хоровой общество Саха сиринээҕи филиалын председателэ, СӨ искусствотын үтүөлээх деятелэ, искусствоведения кандидата

Сергей Августович Сюльскай, народнай депутат А.Н.Жирков сүбэһитэ

Иннокентий Иннокентьевич Аммосов, Уус-Алдан улууһун культураҕа управлениетын начальнига

Лена Семеновна Павлова, Уус-Алдан улууһун культураҕа управлениетын солбуйар начальнига, 1986 с. ансаамбыл выпускницата

Данил Иванович Жирков, Уус Алдан улууһун үөрэх управлениетын солбуйар начальнига

Айталина Ивановна Пантилова, 1993 с. ансаамбыл выпускницата, 2002 с. М.П.Мусоргскай аатынан Ураллааҕы государственнай консерватория вокальнай отделениетын выпускницата. Айталина үөрэҕин бүтэрэн С.Омоллоон аатынан опера уонна балет театрыгар хор артыыһынан үлэҕэ киирбитэ. Билигин Мындабатааҕы орто оскуола музыка уруогун учуутала

Алина Исаевна Никифорова, 1987 с. ансаамбыл выпускницата, 1979 с. «Веселые нотки”  Бчтчн Союзтааҕы ТВ передачатын кыттыылаа5а

Саргылана Васильевна Максимова, СӨ национальнай библиотекатын директора, историческай наука кандидата, доцент,1983 с. ансаамбыл выпускницата

Акулина Николаевна Акимова, СӨ үтүөлээх артыыската, 1986  с. ансаамбыл выпускницата

Варвара Аркадьевна Аманатова, СӨ үтүөлээх артыыската, 1990 с. ансаамбыл выпускницата

Уйгу Портнягина, ХИФУ ИЯКН  5 курсун студентката, 2015  с. ансаамбыл выпускницата

Зинаида Колодезникова, С.Омоллоон аатынан Государственнай опера уонна балет театрын артыыската.

Ансаамбыл уопутун бүтүн Саха сиригэр хайдах тарҕатарга араас суоллары тобуллулар, сүбэлэстилэр, бу тула санаа атастаһыыта оҥоһулунна. Төгүрүк остуол түмүгүнэн уураах ылылынна. Түмүккэ В.С. Парниковка сындааһыннаах үлэтин иһин уонна 75-с сааhыгар аналлаах юбилейнай тэрээһиннэр саҕаламмыттарынан улуус баhылыгын А.В. Федотов, улуус дьонун — сэргэтин, общественноһын ааттарыттан эҕэрдэ сурук уонна сибэкки дьөрбөтө туттарылынна. Учууталбытыгар, уһуйааччыбытыгар Баһылай Ыстапаанабыс Парниковка кытаанах доруобуйаны, туруоруммут сыалын ситиһэригэр баҕарабыт.

[meta_gallery_slider id=»3750″]