Куорсун 2019

Улуустааҕы уус-уран айымньы күрэҕэ «Куорсун-2019» 4-с төгүлүн ыытыллан, түмүктэрин таһаарар, сыл бастын айымньытын  быһаарар, кыайыылаахтарын иһитиннэрэр үөрүүлээх тэрээһинэ буолан ааста. Быйылгы күрэххэ хаһааҥҥытааҕар да элбэх кыттааччы кытынна, хоһоону суруйууга 29, кэпсээҥҥэ  5, пьесаҕа 5 киһи кыттыыны ылан, барыта 74 айымньы сыаналанна. Айымньылары Дьокуускай куораттан ааттаах-суоллаах суруйааччылар, суруналыыстар дьүүллээтилэр: СӨ норуодунай поэта, СӨ суруйааччыларын сойууһун бэрэссэдээтэлэ И.В. Мигалкин, “Чолбон” уус-уран сурунаал сүрүн эрэдээктэрэ Д.Н. Макеев, “Чолобон” уус-уран сурунаал кириитикэҕэ салаатын сэбиэдиссэйэ И.И. Осипов-Ойуур, Саха сирин медисинскэй сурунаалын редакторы солбуйааччы, мед. наука доктора В.П. Николаев курдук дьон үлэлэри ырытан, анааран, кыттааччыларга туһалаах сүбэ ама биэрдилэр.

Хоһоону суруйууга кыайыылаах аатын ылла Попова Елизавета Михайловна “Ийэм төрөөбүт алааһыгар” (1 Хоро нэһ.), 2 миэстэ Вария Решетникова “Мин көмүс күһүнүм” (Мүрү нэһ), 3 миэстэ Андросова Наталья ЕгоровнаКүбэйэ (Байаҕантай нэһ)  “Өтөхсүйэн турбатын төрөөбүт дьиэҕит”, биһирэбилинэн бэлиэтэннилэр Татьяна Кириллина – Татыйык (Мүрү нэһ) “Ийэбэр”, Стручков Николай – Абыйаан “Олохпут сэттэ содула”, Колодезникова Ефросиния – Суһумнуур (Байаҕантай нэһ) “Айан суола- олох суола”.

Кэпсээни суруйууга 1 миэстэ Кириллин Анатолий-Толикус (Мүрү нэһ) “Кыра киһи”, 2 миэстэ Попов Иннокентий –Оҕуруоттаах (Суотту нэһ) “Тыам сирэ барахсан”, 3 миэстэ Аргунов Гаврил – Чобуо Чооруос “Бэлиэ”.

Драматургия көрүҥэр Колодезникова Ефросиния – Суһумнуур (Байаҕантай нэһ) “Ылдьааналаах Ылдьаа уолаттара” пьесатынан кыайыылаах үрдүк аатын ылла, 2 миэстэ Сыроватский Иннокентий – Дүөндүн (Мүрү нэһ) “Көмүөл көтөҕүллүүтэ” пьесата, 3 бочуоттаах миэстэҕэ таҕыста Матвеева Матрена – Мотуо (Лөгөй нэһ) “Учуутал күнэ” сыанката.

Түгэнинэн туһанан Чолбон уус-уран сурунаал тэрийэр “Саха сахаҕа “Чолбону” бэлэхтиир” – аахсыйаҕа Кулантай аатынан литретатрунай музей, И. Находкин аатынан Чараҥ ск уонна Чараҥ библиотекатын үлэһиттэрэ көхтөөхтүк кыттан, бэтэрээн үлэһиттэригэр, тыл бэтэрээннэригэр, сэрии сылын оҕолоругар 1 сыллаах сурутууну бэлэх ууннулар.

Эһиилги 5-с төгүлүн ыытыллар “Куорсун-2020” күрэх Улуу Кыайыы 75 сылыгар ананар.

{"autoplay":"true","autoplay_speed":3000,"speed":300,"arrows":"true","dots":"true"}

Добавить комментарий

Ваш адрес email не будет опубликован. Обязательные поля помечены *