“Эдэр сааһы эргитэн” улуус культуратын ветераннарын эҕэрдэ кэнсиэрэ Кэптэнигэ

Көр-нар аргыстаах, ырыа-хоһоон, үҥкүү-битии кэһиилээх улуус культуратын ветераннара, өйгө-санааҕа хаалбыт эдэр сааспыт доҕоро, кыайыылаах-хотуулаах, төлөннөөх сүрэхтээх, айбыт-туппут суолдьуппут, эдэр сааспыт аргыһа Комсомол төрөөбүт күнүнэн, алтынньы 29 күнүгэр Кэптэни бөһүөлэгэр “Эдэр сааһы эргитэн” эҕэрдэ кэнсиэринэн ыалдьыттаатыбыт.

Олохторун тухары туохха да тэҥнэммэт, айымнньылаах, ситиһиилээх үлэлэринэн улууспут, өрөспүүбүлүкэбит культурнай, духуобнай сайдыытыгар үйэлээх кылааттарын киллэрбит, билигин да үлэлии-хамсыы, айа-тута сылдьар улуус культуратын ветераннарын концерыгар кыттыыны ыллылар:

Дүпсүн сириттэн:

  • Ульяна Босикова – өр сылларга Н.Е.Корнилов аатынан Дүпсүн кулуубун директорынан, билигин Остуойка кулуубун сэбиэдиссэйэ. СР культуратын туйгуна, Дүпсүн нэһилиэгин бочуоттаах олохтооҕо, нэһилиэк кырдьаҕастарын Сэбиэтин председателэ.

Арыылаах бөһүөлэгиттэн:

  • Александра Саввина – өр сылларга Бэйдиҥэ, Арыылаах кулууптарыгар уус-уран салайааччынан, директорынан үлэлээбит, “Кустук”, “Эр Модун” үҥкүү коллективтарын төрүттээччи, салайааччы, СР культуратын туйгуна, Өлтөх нэһилиэгин бочуоттаах олохтооҕо.

Мааны Майаҕастан:

  • Наталья Павлова – Майаҕас сынньалаҥ киинин директорынан үлэлээбит, билигин Хоро нэһилиэгин Баһылыгын Сүбэһитинэн үлэлии сылдьар, СР культуратын туйгуна, Хоро нэһилиэгин бочуоттаах олохтооҕо;
  • Константин Иванов – улууспут маанылаах куолаһа, бастыҥ баянист, Майаҕас сынньалаҥ киинин аккомпаниаторынан айымньылаахтык үлэлии сылдьар, СР культуратын туйгуна, Хоро нэһилиэгин бочуоттаах олохтооҕо.

Үс Геройдаах Байаҕантай сириттэн:

  • Вера Бурнашева – өр сылларга Танда кулуубун директорынан үлэлээбит, Байаҕантай нэһилиэгин бочуоттаах олохтооҕо , СР культуратын туйгуна.
  • Клавдия Мурукова – өр сылларга Танда сынньалаҥ киинигэр уус-уран салайааччынан, директорынан үлэлээбит, билигин Россия Үлэҕэ Геройа М.Н.Готовцев аатын сүгэр Танда орто оскуолатын музыкаҕа учуутала, СР культуратын туйгуна, Байаҕантай нэһилиэгин бочуоттаах олохтооҕо, Мүрү күөрэгэйэ.

2-с Лөгөй сириттэн:

  • Мария Дегтярева. Тулуна сельскэй кулуубун директорынан үлэлээбит, Тулуна бөһүөлэгин кырдьаҕастарын Сэбиэтин председателэ, СР социальнай сулууспа туйгуна, 2-с Лөгөй нэһилиэгин бочуоттаах олохтооҕо, СР уонна Россия бочуоттаах ветерана, “Далбар” вокальнай ансамбль салайааччыта.

 Сугуннаах Суотту сириттэн:

  • Лидия Пермякова — Хоноҕор сынньалаҥ киинин директорынан өр сылларга үлэлээбит, “Илгэ” дьахталлар фольклорнай ансамбль салайааччыта, Суотту нэһилиэгин бочуоттаах олохтооҕо, СР культуратын туйгуна.

 Баатаҕай сириттэн:

  • Мария Горохова – Үөһээ-Дьааҥы улууһун Баатаҕайыгар оҕо музыкальнай оскуолатын үҥкүү салаатыгар преподавателинэн, кэнники сылларга Саха-Бельгийскэй гимназияҕа эбии үөрэхтээһин уһуйааччытынан үлэлээбит, билигин Баатаҕайдааҕы “Түмэн” этнокультурнай киинигэр үҥкүү үөрэтээччитинэн айымньылаахтык үлэлии сылдьар, “СР норуот уус-уран айымньытын сайдыытыгар киллэрбит кылаатын иһин” анал бэлиэ хаһаайката.

Мүрү нэһилиэгиттэн:

  • Мария Сивцева – СР культуратын үтүөлээх үлэһитэ, Уус-Алдан улууһун бочуоттаах олохтооҕо, СР “Гражданскай килбиэн” анал бэлиэ хаһаайката, Бороҕоннооҕу оҕо музыкальнай оскуолатыгар, оройуоннааҕы культура дьиэтигэр балетмейстерынан, ИМК фондаҕа отделын сэбиэдиссэйинэн, культура управлениетын начальнигын солбуйааччынан үтүө суобастаахтык үлэлээбит ытыктыыр ветераммыт;
  • Данил Бурцев – Майаҕас, Мындааба, Курбуһах, Танда, Тиит-Арыы кулууптарыгар барыта 12 сыл устата сэбиэдиисэйинэн, директорынан, уус-уран салайааччынан үлэлээбит, уус-уран самодеятельность, сцена ветерана, СР культуратын туйгуна, Мүрү нэһилиэгин бочуоттаах олохтооҕо;
  • Саргылана Константинова – Кэптэни сельскэй кулуубугар, оройуоннааҕы культура дьиэтигэр үлэлээбит,улууспут кэрэ нарын куолаһа, Мүрү нэһилиэгин бочуоттаах олохтооҕо;
  • Светлана Рожина – Бээрийэ, Курбуһах, Кэптэни, Дүпсүн кулууптарыгар методиһынан, уус-уран салайааччынан, директорынан үлэлээбит, СР культуратын туйгуна, “Дүпсүн нэһилиэгин социальнай-экономическай сайдыытыгар киллэрбит кылаатын иһин” анал бэлиэ хаһаайката;
  • Саргылана Бурцева — Бороҕоннооҕу оҕо искусство оскуолатын директоры үөрэх чааһыгар солбуйааччы, СР культуратын туйгуна, Мүрү нэһилиэгин бочуоттаах олохтооҕо;
  • Станислав Луковцев — Бороҕоннооҕу оҕо искусство оскуолатын преподавателэ, СР культуратын туйгуна, Мүрү нэһилиэгин, Уус-Алдан улууһун бочуоттаах олохтооҕо, ырыа айааччы, коллекционер;
  • Матрена Готовцева – өр сылларга Найахы, Тиит-Арыы кулууптарыгар уус-уран салайааччынан, кэнники сылларга улуустааҕы информационнай-методическай киин сэбиэдиссэйинэн үлэлээбит. СР культуратын туйгуна;
  • Марфа Алексеева – өр сылларга улуустааҕы Тойон Мүрү культура дьиэтин директорынан, улуустааҕы информационнай-методическай киин методиһа, СР культуратын туйгуна, Мүрү нэһилиэгин бочуоттаах олохтооҕо;
  • Валетина Варламова – В.В.Никифоров – Күлүмнүүр аатынан “Тойон Мүрү” культура киинин улуустааҕы тэрээһиннэри тэрийэр отдел сэбиэдиссэйэ, СР культуратын туйгуна, Мүрү нэһилиэгин бочуоттаах олохтооҕо, СР “Гражданскай килбиэн”, “СР уус-уран айымньытын сайыннарыыга киллэрбит кылаатын иһин”, “Уус-Алдан улууһун социальнай — экономическай сайдыытыгар киллэрбит кылаатын иһин” анал бэлиэлэр хаһаайыннара;
  • Матрена Герасимова – Арыылаах кулуубугар уус-уран салайааччынан үлэлээбит, билигин культура управлениетын норуот айымньытын отделын кылаабынай специалиһа, СР культуратын туйгуна;
  • Анна Федорова–культура управлениетын норуот айымньытын отделын кылаабынай специалиһа, СР культуратын туйгуна, Лөгөй нэһилиэгин бочуоттаах олохтооҕо.

Лөгөй сириттэн кыттыыны ыллылар:

  • Петр Нафанаилов – өр сылларга Кэптэни сынньалаҥ киинигэр аккомпаниаторынан, директорынан, кэлин Лөгөй орто оскуолатыгар технология учууталынан үлэлээбит, СР үөрэҕириитин туйгуна, Уус-Алдан улууһун норуотун маастара, чороон ууһа;
  • Иван Борисов – Кэптэни кулуубугар өр сылларга худуоһунньугунан үлэлээбит, СР культуратын туйгуна;
  • Егор Лугинов – Кэптэни сынььалаҥ киинин директорынан үлэлээбит, Лөгөй нэһилиэгин бочуоттаах олохтооҕо, Уус-Алдан улууһун соц-экон сайдыытыгар киллэрбит кылаатын анал бэлиэ хаһаайына, СР культуратын туйгуна;
  • Мария Андросова – олохтоох бибилиотека билиотекара, СР культуратын туйгуна;
  • Ульяна Бурнашева – Уйана — олоҕун бүтүннүү культураҕа анаабыт, уус-уран салайааччынан үлэлээбит, СР культуратын туйгуна, саха суруйааччыта, РФ суруналыыстарын Сойууһун чилиэнэ.

Комсомол төрөөбүт күнүнэн, комсомолга сыһыаннаах боппуруостарынан викторинаны С.С.Васильев-Борогонскай аатынан киин библиотека ааҕааччыны кытта үлэҕэ отделын сэбиэдиссэйэ, СР культуратын туйгуна, культура үлэһиттэрин профсойууһун председателэ Г.В.Аммосова ыытта. Кыайыылаахтарга тэрийээччилэр ааттарыттан сэмэй бэлэхтэр туттарылыннылар.

Сырдыкка-кэрэҕэ угуйар,  айар дьоҕурдаах дьон баар буоланнар, ырыа-үҥкүү аргыстанабыт, үөрүү-көтөл доҕордонобут, үлэни, олоҕу таптыыбыт.

Сырдыгы-кэрэни түстүүргэ анаан айылҕаттан айыллыбыт күндү дьоммут – культура ветераннара бу күн ыллаан дьиэрэттилэр, үҥкүүлээн тэйдилэр, көрү-нары көҕүлүттэн туттулар. Нэһилиэк олохтоохторо, көрөөччүлэр, улууспут культуратын ветераннарыгар өр сыллаах айымньылаах, таһаарыылаах үлэлэригэр ис сүрэхтэн махтанан туран,  ытыс тыаһынан хас биирдии нүөмэри көрүстүлэр, махтал истиҥ тылларын анаатылар.

Культура ветераннарын ааттарыттан махтал тылларын этэбит улуустааҕы үөрэх управлениетын начальнигар Тарская И.М. автобус уларсан, культура управлениетын начальнига Аммосов И.И. бензинынан хааччыйан, суоппар Крылов Б.Н. сүрдээх сылаас автобуһунан сымнаҕастык, сылаастык сылдьан кэлбиппитигэр. Махтанабыт биир идэлээхтэрбитигэр, П.П.Оготоев аатынан сынньалаҥ киин үлэһиттэригэр итии үүттээх чэйдээх, сылаас буруолуу сылдьар бэрэскилээх, итии астаах көрсүбүттэригэр. Эһиэхэ барыгытыгар баҕарабыт таһаарыылаах үлэни-хамнаһы, этэҥҥэ буолууну.

Анна Федорова,

культура  управлениетын  кылаабынай специалиһа.

{"autoplay":"true","autoplay_speed":3000,"speed":300,"arrows":"true","dots":"true"}

Добавить комментарий

Ваш e-mail не будет опубликован. Обязательные поля помечены *