Аартыктарынан айан

Өбүгэлэрбит үйэлэртэн илдьэ кэлбит төрүт үгэһин, норуот уус-уран айымньытын сайыннарар,  тарҕатар, эйгэни тэрийэр, саҥа холонооччуларга сүбэ-ама биэрэр, утумнааччылар баар буолалларын ситиһэр сыаллаах алтынньы 23 күнүгэр Найахы нэһилиэгэр, алтынньы 24 күнүгэр

Дүпсүн нэһилиэгэр «Аартыктарынан айан» проект кыттыылаахтара бэйэлэрин сатабылларын, билиилэрин-көрүүлэрин тиэртилэр, 12 араас хайысхаҕа үлэлээтилэр. Найахыга 247 киһи, Дүпсүҥҥэ 234 киһи оҕотуттан кырдьаҕаһыгар тиийэ араас көлүөнэ дьон сырытта!

Ол курдук :

— сахалыы бууктаах сон тигиитигэр- Дегтярёва Татьяна Гаврильевна, СӨ Уус уран оҥоһуктарга маастара, Уус Алдан улууһун норуотун маастара, Бороҕон.

-Кыбытыылаах тигиигэ- Атласова Мария Семёновна, СӨ норуотун маастара, Уус Алдан улууһун Бочуоттаах олохтооҕо, Бороҕон.

 Мас уустара:

— Чороон оҥоруутугар- Нафанаилов Петр Сергеевич, Уус Алдан улууһун норуотун маастара, СӨ үөрэҕириитин туйгуна, Кэптэни.

— Ох саа оҥоруутугар Петров Семён Семёнович -СӨ уус уран оҥоһуктарга маастара, Майаҕас.

Тимир уустара:

-Быһах, анньыы оҥоруутугар —Попов Илларион Егорович, СӨ уус уран оҥоһуктарга маастара, Сыырдаах.

— Быһах, анньыы оҥоруутугар Шепелев Афанасий Афанасьевич— Уус- Алдан улууһун норуотун маастара, Сыырдаах.

— Уус Алдан олоҥхоһуттарын толорор үгэстэрэ уонна үөрүйэхтэрэ, Уус-Алданныы оһуохай хаамыыта- Сивцева Мария Захаровна, СӨ культуратын үтүөлээх үлэһитэ, Уус Алдан улууһун бочуоттаах олохтооҕо, Бороҕон.

-Оҕону олоҥхоҕо уһуйуу- Троева Вера Иннокентьевна, РФ үөрэҕириитин туйгуна, СӨ үтүөлээх учуутала, «Учууталлар учууталлара», Баатаҕай.

— Оһуохайга- Алексеева Марфа Константиновна, СӨ үтүөлээх оһуохай этээччитэ, СӨ культуратын туйгуна, Бороҕон.

— Чабырҕахха, дэгэрэҥ ырыаҕа- Никитина Ньургуйаана Владимировна, улуус историятын үөрэтэр- музей сотруднига, Бороҕон.

— Ырыаҕа- Слепцова Айталы Анатольевна, В.В.Никифоров- Күлүмнүүр аатынан » Тойон Мүрү» культура киинин народнай хорун хормейстера, Бороҕон.

— Үҥкүүгэ- Ноговицына Ульяна Петровна— Россия үтүөлээх коллектива «Кэнчээри» оҕо ырыа- үҥкүү народнай коллективын балетмейстера, СӨ культуратын туйгуна, Бороҕон.

Методическай, практическай көмөҕө:

Петухов Михаил Андреевич, культура управлениятын информационнай- методическай отделын кылаабынай специалиһа.

Герасимова Матрёна Николаевна, культура управлениятын культурнай- маассабай тэрээһиннэргэ, норуот айымньытыгар отдел кылаабынай специалиһа.

Федорова Анна Егоровна, культура управлениятын культурнай- маассабай тэрээһиннэргэ, норуот айымньытын отделын специалиһа.

Найахы, Дүпсүн нэһилиэгин олохтоохторо кэлэн бэйэлэрин билиилэрин, сатабылларын көрдөрбүт, кэпсээбит «Аартыктарынан айан» делегациятыгар барҕа махталларын тиэртилэр.

Өбүгэ саҕаттан илдьэ кэлбит төрүт үгэспитин, уус-уран баайбытын өссө үрдүк таһымҥа таһаарар туһугар улэлиэҕиҥ, хамсыаҕыҥ.

[meta_gallery_slider id=»3177″]

error: МБУ \"Усть-Алданское управление культуры\"