Үһүс саас оскуола

Алтынньы 22 күнүгэр Бороҕонно  улуустааҕы «Үһүс саас оскуола»  2019 -2020 с.с. үөрэх дьылын аһар “Маҥнайгы чуораана” лыҥкынаата. Маҥнайгы чуораан 2022 сылга ыытыллар Саха сирин норуоттарын ХХХ спортивнай оонньууларыгар ананна, онон нэһилиэктэр филиаллара бары спортивнай таҥастаах муһуннулар. Тэрээһини улуустааҕы «Үьүс саас оскуола» салайааччыта Домна Николаевна Бурнашева тыл этэн аста. Спортивнай хамсаныылаах флешмоб бары онордулар. Бу кэннэ сайын үрдүк ситиһиилээх түмсүүлэри билиһиннэрии буолла. Мүрү нэһилиэгиттэн норуот маастара Галина Семеновна Охлопкова кырадаһынтан тигии улэлэрэ Туймаада ыһыаҕар бастакы миэстэни ыллылар. Мүрү нэһилиэгин “Кустук” изостудията (сал. С.С. Аммосова) бастаан илин уһук регионугар, онтон Москва куоракка буолбут конкурска кыайан, уруһуйдара Аан Дойду таһымнаах Сербия5а буолар күрэххэ талылыннылар. Найахы нэһилиэгин иистэнньэннэрин түмсүүтэ (сал. Норуот маастара Х.И. Гоголева) Суздаль куоракка тиийэн быыстапкаҕа кыайан, үс иистэнньэн улэтэ Турцияҕа буолар күрэххэ кыттарга талылыннылар. Бэрт – Ууһун “Сайылык далбардара” ансаамбыл (сал. З.Д. Петрова) Алушта куоракка фестивальга кыттан, лауреат аатын сүгэн кэллилэр. Бэс ыйыгар НВК-5а “Кэл – олор, сэһэргэһиэх” биэриигэ улуус “Үьүс саас оскуолатын” үлэтин уопутун көрдөрдүлэр.

Үөрүүлээх чааска улуус, Мүрү нэһилиэгин дьаһалтатыттан, тэрилтэ салайааччылара эҕэрдэ тыл эттилэр, наҕараадалары туттардылар. Филиаллар көмөлөрүнэн кэнсиэр буолла. Тэрээһин спортивнай ис хоьоонноо5унан, йога, саха этно-фитнес хамсаныыларын бары кургүөм оҥордулар. Ити курдук “Үһүс саас оскуолалар” мустан бэйэ-бэйэлэрин корсүһэн уопут ылан атыстастылар.

[meta_gallery_slider id=»3161″]

error: МБУ \"Усть-Алданское управление культуры\"