«Өбүгэ кута – олох көмүс утаҕа»

Уус-Алдан  улууһугар тимири ”ыллаппыт”, маһы “хаамтарбыт” ааттаах-суоллаах уустар төрөөн-үөскээн ааспыттара. Үөрэх — билии сайдыытыгар  кинилэр сыдьааннара, аныгы көлүөнэ дьон, анал үөрэххэ үөрэнэн идэтийбит худуоһунньуктар, муосчуттар, скульптордар, архитектордар  баар буоллулар. Саха бастакы идэтийбит дьоннорун ортолоругар биир додйдулаахтарбыт,  муосчуттар Никифоров Дмитрий Михайлович-Дабайааҥкы, Аммосов Терентий Васильевич, Герасимов Кондратий Федотович, Бурцев Аким Акимович, скульптордар Василий Васильевич Бочкарев, Егор Петрович Оготоев, саха дьахталларыттан бастакы скульптор Винокурова Евгения Николаевна, муосчут уонна тааһынан кыһааччы Крылов Константин Константинович, художниктар Крылов Евграф Михайлович,  Васильев Артур Дмитриевич,  архитектор Иннокентий Румянцев, онтон да атыттар ааттарынан киэн туттабыт.

Балаҕан ыйын 10 күнүгэр айылҕа маанылаан айбыт хатыҥ чараҥар, В.А.Протодьяконов-Кулантай аатынан литературнай музей-комплекс тэлгэһэтигэр, улуус култуураҕа управлениетын, Чараҥ сынньалаҥ киинин тэрийиилэринэн,  ойуулуур-дьүһүннүүр  искусствоны  улууспутугар сайыннарар, өйүүр, киэҥ араҥаҕа таһаарар, геройдар сырдык мөссүөннэрин үйэтитэр, ааттарын  ааттатар, нэһилиэнньэ араас араҥатын талааннарын арыйар, үөрүйэхтэрин сайыннарар, билиилэрин дириҥэтэр, Уус Алдан улууһугар Геройдар сылларыгар анаан самодеятельнай уонна анал үөрэхтээх худуоһунньуктарга  «Өбүгэ кута – олох көмүс утаҕа» аһаҕас көрүү-күрэх ыытылынна. Улууспутугар аан бастаан ыытыллыбыт бу тэрээһининэн кыттааччыларга, кэлбит дьоҥҥо анаан, бэйэлэрин эҕэрдэ тылларын тиэртилэр улуус культураҕа управлениетын начальнига Аммосов Иннокентий Иннокентьевич,  улуус үөрэҕин управлениетын иитэр үлэҕэ отделын специалиһа Находкин Николай Николаевич,  “Үһүс саас оскуола” улуустааҕы общественнай түмсүү салайааччыта Бурнашева Домна Николаевна  уонна бу көрүү – күрэҕи ыытыахха диэн этиини киллэрбит “Кустук” изостудия салайааччыта Рожина Саргылана Семеновна. Көмүс өҥүнэн сууламмыт күһүҥҥү күммүт күнүн күлүмүрдэтэ оонньуур күндэлэс күнүгэр ыытыллыбыт бу көрүү-күрэх бары кыттыылаахтарыгар, көрөөччүлэригэр ылбаҕай ырыанан эҕэрдэлэрин тиэртилэр “Мүрү-2018”  ырыа күөн-күрэһин Кылаан бирииһин хаһаайкалара “Сыдьаай” бөлөх, салайааччы СӨ култууратын туйгуна Алексей Бережнев.

Тэрээһин биир сүрүн соругунан Уус Алдан  улууһуттан тахсыбыт  худуоһунньуктарбыт  ааттарын  ааттатар, дьоҥҥо-сэргэҕэ билиһиннэрэр  сыаллаах – соруктаах ыытылынна. Улууспутуттан төрүттээх  худуоһунньуктар Сойуустарын  чилиэннэрин туһунан кэпсиир, билиһиннэрэр улахан быыстапка бү күн турда. Быыстапканы билиһиннэрдилэр Бурцева Татьяна Гаврильевна,  улуус киин библиотекатын библиотекара, Афанасьева Юлия Ивановна,  Бороҕоннооҕу улуус историятын музейын  научнай сотруднига, Кириллина Ксения Николаевна,  Майаҕас библиотекатын библиотекара, Сивцев Александр Петрович, В.А. Протодьяконов — Кулантай аатынан литературнай музей-комплекс экскурсовода.

Кыттааччылар  балаһыанньа быһыытынан 2 хартыынаны талбыт темаларыгар  уруһуйдаан аҕаллылар. Көрүү-күрэххэ барыта 20 киһи кыттыыны ылла.  Маны таһынан, 2-с түһүмэххэ «Нэлээн АРТ — 2019» Пленэргэ көмүс өҥүнэн сууламмыт күһүҥҥү Нэлээн көстүүтүн уруһуйдаатылар. Бу түһүмэххэ 10 киһи кыттыыны ылла.

Көрүү күрэҕи Мухина Светлана Федоровна, Бороҕоннооҕу оҕо искусство оскуолатын художественнай отделениетын преподавателэ, СӨ култууратын туйгуна, Лыткин Александр Платонович, улуустааҕы оҕону эбии үөрэхтээһин киинин маастар педагога, СӨ үөрэҕириитин туйгуна, Бурцева Антонина Романовна, В.Н.Мигалкин аатынан Чараҥ орто оскуолатын технологияҕа учуутала састааптаах дьүүллүүр сүбэ сыаналаата.

Кыайыылаахтарынан буоллулар:

1 тема – Улуу геройдарбыт олохторун суола (талбыт геройун олоҕуттан дьүһүйүү).

Самодеятельнай худуоһунньуктар икки ардыларыгар:

1 миэстэ – Бурцев Михаил Афанасьевич, Бороҕон, пенсионер. Киниэхэ ССРС худуоһунньуктарын сойууһун чилиэнэ, муосчут, скульптор Герасимов Кондратий Федотович оҕолоро олохтообут анал бириистэрэ туттарылынна.

2 миэстэ – Рожина Саргылана Семеновна, Бороҕон, бирииһи олохтоото И.И.Находкин аатынан Чараҥ сынньалаҥ киинэ (директор Свинобоева А.Н.).

3 миэстэ – Егорова Любвоь Васильевна, Бороҕон, бирииһи олохтоото улуустааҕы үөрэх управлениета (начальник Тарская И.М.)

“Олох суолун үйэтитэн” анал бириис хаһаайкатынан буолла Горохова Варвара Михайловна, Бороҕон. Бирииһи олохтоото улуус бэтэрээннэрин Сэбиэтэ (председатель Калининскай И.С.)

Анал үөрэхтээх худуоһунньуктар ортолоругар:

1 миэстэ – Колодезников Федот Константинович, Чараҥ. Киниэхэ “Кустук”  изостудия чилиэннэрэ олохтообут анал бириистэрэ туттарылынна.

2 миэстэ – Аммосова Сусанна Семеновна, Бороҕон, бирииһи олохтоото В.Н.Мигалкин аатынан Чараҥ орто оскуолата (директор Сивцев И.Г.).

3 миэстэ – Павлова Наталья Васильевна, Бороҕон, бирииһи олохтоото И.И.Находкин аатынан Чараҥ сынньалаҥ киинэ (директор Свинобоева А.Н.).

“Үлэ дьоруойун үйэтитэн” анал аат хаһаайкатынан буолла Кэптэниттэн Колесова Анастасия Михайловна. Бирииһи олохтоото улуус бэтэрээннэрин Сэбиэтэ (председатель Калининскай И.С.)

2 тема – «Өтөх дэнэр биһик сирбит, ойуу тылынан ыллаата» — өбүгэ туттубут малларыгар натюрморт.

Самодеятельнай худуоһунньуктар икки ардыларыгар кыайыылаахтарынан буоллулар:

1 миэстэ – Бурцев Михаил Афанасьевич, Бороҕон, пенсионер. Бирииһи олохтоото ИП Бурцев Николай Гаврильевич.

2 миэстэ – Баатаҕайтан Готовцев Николай Семенович үлэтэ, бирииһи олохтоото ИП Гуляева Екатерина Анатольевна.

3 миэстэ – Тролукова Айталина Николаевна, Дьокуускай куораттан, бирииһи олохтоото ИП Егоров Тимофей Тимофеевич.

“Өбүгэ тойуга” анал бириис хаһаайкатынан буолла Румянцева Ксения Антоновна, Бороҕон. Бирииһи олохтоото улуус бэтэрээннэрин Сэбиэтэ (председатель Калининскай И.С.)

Анал үөрэхтээх худуоһунньуктар ортолоругар:

1 миэстэ – Колодезников Федот Константинович, Чараҥ. Киниэхэ фронтовик, живописец, Москватааҕы художественнай училище выпускнига, 1948-1953 с.с. Саха АССР художниктарын Сойууһун Правлениетын председателэ, ССРС художниктарын Сойууһун чилиэнэ Крылов Евграф Михайлович оҕолоро олохтообут анал бириистэрэ туттарылынна.

2 миэстэ – Аммосова Сусанна Семеновна, Бороҕон, бирииһи олохтоото ИП Семенова Клара Даниловна.

3 миэстэ – Портнягина Евдокия Яковлевна, Суотту, бирииһи олохтоото хомус ууһа Куличкин Петр Дмитриевич – Быйаман Уус.

2-с түһүмэххэ «Нэлээн АРТ — 2019» Пленэргэ самодеятельнай худуоһунньуктар икки ардыларыгар кыайыылахтарынан буоллулар:

1 миэстэ – Куличкин Петр Дмитриевич, Бороҕон. Киниэхэ “Мындыр”  түмсүү олохтообут анал бирииһэ туттарылынна.

2 миэстэ – Румянцева Ксения Антоновна, Бороҕон, бирииһи олохтоото улуус мелодистарын түмсүүтэ, салайааччы Парников В.С.

3 миэстэ – Заболоцкая Варвара Афанасьевна, Бороҕон, бирииһи олохтоото улуустааҕы киин библиотека, директор Окоемова В.Н.

“Күһүҥҥү киистэ абылаҥа”  анал бириис хаһаайкатынан буолла Кириллова Валентина Николаевна, Бороҕон. Бирииһи олохтоото улуус бэтэрээннэрин Сэбиэтэ (председатель Калининскай И.С.)

Анал үөрэхтээх худуоһунньуктар ортолоругар:

1 миэстэ – Колесова Анастасия Михайловна, Кэптэни. Киниэхэ ИП Гоголев Александр Яковлевич олохтообут анал бирииһэ туттарылынна.

2 миэстэ – Колодезников Федот Константинович, Чараҥ, бирииһи олохтоото ИП Сергина Ольга Алексеевна.

3 миэстэ – Сыроватская Розалия Тимоновна, Бороҕон, бирииһи олохтоото ИП Охлопкова Александра Юрьевна.

“Күһүҥҥү киистэ абылаҥа”  анал бириис хаһаайкатынан буолла Портнягина Евдокия Яковлевна, Суотту. Бирииһи олохтоото улуус бэтэрээннэрин Сэбиэтэ (председатель Калининскай И.С.)

Улууска бастакытын ыытыллыбыт «Өбүгэ кута – олох көмүс утаҕа» тэрээһини өйөөн күүс-көмө буолбут бары спонсордарбытыгар тэрийээччилэр ааттарыттан улахан махталбытын тиэрдэбит. Кыттааччыларга, тэрийээччилэргэ, көмөлөспүт бар дьоммутугар куруутун  бу курдук кэрэни кэрэхсии, үйэлээҕи үйэтитэ тураргытыгар, үлэҕит-хамнаскыт таһаарыылаах буоларыгар баҕарабыт.

Федорова А.Е.,

култуура управлениетын кылаабынай специалиһа.

11.09.2019 сыл.

{"autoplay":"true","autoplay_speed":3000,"speed":300,"arrows":"true","dots":"true"}

Добавить комментарий

Ваш e-mail не будет опубликован. Обязательные поля помечены *