Афанасий Петрович Дүпсүҥҥэ

Бүгүн Дүпсүҥҥэ  өбүгэбит үтүө үгэһин тарҕата сылдьар, оҕуһун мииннэ да ырыаһыт Афанасий Петровиһы үөрэ көтө көрүстүбүт, тула олорон олоҥхотун иһиттибит, оһуокайдаан ойдубут! Афанасий Петрович чахчы энтузиаст, былыргыны сөхсүтэн үүнэр ыччат дьоҥҥо, кэнчээри ыччаттарбытыгар кэпсии ипсии,  көрдөрө тарҕата сылдьара олус махталлаах дьыала, барҕа махталбытын аныыбыт!

Дүпсүттэр олоҥхоҕо тиксэн дьоллоннубут! Харачааһын наһаа таптаатыбыт, Харачааспыт кытта алаадьымсах эбит

Афанасий Петровиһы кытта көрсүһүү В.В.Никифоров-Күлүмнүүр аатынан Дүпсүннээҕи технопаркаҕа ыытылынна. Күүтүүлээх ыалдьыппытын кулууппут үлэһиттэрэ, методист  Соловьева В.И. уохтаах кымыһынан, арыылаах алаадьынан, саха мааны аһынан саламаатынан көрүстүлэр. Дүпсүн олохтоох администрациятын солбуйар баһылыга Дьулуур Владленович, кулууппут директора Айнура Абдрушитовна арыаллаан илдьэ сырыттылар. Технопаркаҕа баар кыраайы үөрэтэр, космонавтика музейдарын, уус уран айымньыны толорооччулар быыстапкаларын сэргии көрдө. Музейга баар былыргы өбүгэлэрбит туттар иһиттэрин ойбон кытыйаны, алтан дискэлэрдээх чороону, кымыс көөнньөрөр симиир иһиттэрин көрөн астынна. Музей үлэһиттэрэ Карманов, Протопопова О.Ф., библиотекарь Сивцева П.И.кэпсээтилэр. Көрсүһүүгэ «Кэскил», «Сардаҥа» оҕо уһуйаанын иитиллээччилэрэ, үлэһиттэрэ Прибылых П.Г., Прибылых Л.Н., Шергина С.М.,Молокотина А.В., Стручкова М.Д., Сыроватская А.А, Дүпсүн орто оскуолатын фольклор куруһуогун иитиллээччилэрэ, салайааччы Протопопова Раиса Петровна, нэһилиэк кырдьаҕастара, технопарка үлэһиттэрэ кыттыыны ыллылар.Кырачаан олоҥхону толорооччу Эрэл Сыроватскай олоҥхолоон иһитиннэрдэ.

Олоҥхоһуппут Афанасий Петрович салгыы Бээди нэһилиэгэр айанныа.

Протопопова Р.П.

[meta_gallery_slider id=»2526″]