МБУ "Усть-Алданское управление культуры" Бэһэҕээ, о.э. кулун тутар 30 күнүгэр Бээрийэ нэһилиэгэр дьоро күн тосхойдо. Саха АССР культуратын үтүөлээх үлэһитэ, Үлэ Кыһыл Знамятын орденын кавалера, саха самодеятельнай хорун Бүтүн Союзка, Саха сиригэр үрдүк таһымҥа таһаарбыт Семен Гаврильевич Васильев үтүө аата Бээрийэтээҕи «Арчы» культура киинигэр иҥэрилиннэ.
Манна С.Г.Васильев аата төрөөбүт дойдутун Бээрийэ культура киинигэр иҥэриллибитин туһунан дуоскалары аһыы үөрүүлээх сиэрэ-туома ыытылынна.
Ол кэннэ С.Г.Васильев туһунан уонна Найахы народнай хорун туһунан киэҥ ис-хоһоонноох выставканы билиһиннэрдилэр Найахы уонна Бээрийэ библиотекалара.
Толору мустубут көрөөччү саалатыгар Бээрийэ дьоно-сэргэтэ Арчы үҥкүүтүнэн, алгыс тылынан эҕэрдэлээтилэр. Бээрийэ нэһилиэгин Өрөгөйүн ырыата ылланна. Баһылык Васильев Петр Васильевич кэлбит ыалдьыттары эҕэрдэлээтэ. Семен Гаврильевич аймахтара элбэх буолан кэлэн бар дьонноругар биир дойдулаахтарыгар Бээрийэлэргэ, Найахы нэһилиэгин олохтоохторугар истиҥ тыллардаах махтал тылларын эттилэр, салгыы сибээс олохтуурга былааннаатылар. Найахы народнай хора уонна Бээрийэ уус-уран самодеятельноһын улахан Концера дохсун ытыс тыаһынан ыытылынна.
[meta_gallery_slider id=»2130″]