3-с саас оскуолата бу дьыллааҕы бастакы чуораанын тыаһатта

Бэһэҕээ, алтынньы ый 27 күнүгэр 3-с саас оскуолата бу дьыллааҕы бастакы чуорааны тыаһатар үөрүүлээх тэрээһинин “Олоҥхо дьиэтэ”этнокультурнай киини кытта ыытта. Биһиги улууска 3 саас оскуолата 2012 сыллаахха тэриллибитэ. Онон быйыл 10 дьылларын үлэлиллэр. Үөрүүлээх тэрээһиҥҥэ Мүрү, Хоро, Чэриктэй, 2 Лөгөй нэһилиэктэрин оскуолалара кыттыыны ыллылар. Оскуола 10 сыл үөрэммит выпускниктара чугдаарар чуорааны тыаһатан кыһыл дорожканан киирдилэр. 3 саас оскуолатын үөрэнээччилэрин улуус баһылыга Алексей Федотов, Мүрү нэһилиэгин баһылыга Василий Аммосов, улуустааҕы ветеран сэбиэтин бэрэссэдээтэлэ Олег Федоров эҕэрдэлээтилэр. Саха Республикатын норуоттарын 8 спортивнай оонньууларын аһыллыытыгар уонна “Маастардар дэриэбинэлэрэ” быыстапкаҕа көхтөөх кыттыыны ылбыт дьоммутугар тэрийэр дирекция аатыттан эҕэрдэ суруктары туттардыбыт.Уус Алдан гербатын “Айар иис” салайааччыта Галина Охлопкова кыбытан тигиинэн оҥорбутун улуус баһылыгар үөрүүлээх быһыыга туттарда. Мобилизованнай саллааттарга анааллаах үтүө дьыла акциятыгар кыттаннар харысхал бэлиэлэри туттардылар. Ырыанан Лидия Петрова, Иван Карпов, Василий Петров, Ньургуйаана Никитина, саксафон иэйиилээх тыаһынан Павел Охлопков киэргэттилэр. Көрсүһүүнү Валентина Шадрина иилээн-саҕалаан ыытта. Тэрээһин сомоҕолуур оһуохайынан түмүктэннэ.

error: МБУ \"Усть-Алданское управление культуры\"