“Уус Алдан улууһун култуура бэтэрээннэрин Сэбиэтэ”

           Тохсунньу 15 күнүгэр, “Уус Алдан улууһун култуура бэтэрээннэрин Сэбиэтэ” общественнай түмсүү, култуура идэлээх сойууһун комитетын тэрийиилэринэн, улуус култууратын бэтэрээннэрин көрсүһүүтэ Олоҥхо дьиэтигэр ыытылынна. Көрсүһүүгэ улууспут нэһилиэктэриттэн, Дьокуускай куораттан, култуураҕа олохторун анаабыт күндү бэтэрээннэрбит, билигин да үлэ үөһүгэр айымньылаахтык үлэлии-хамсыы, айа-тута сылдьар биир идэлээхтэр түмсэммит ирэ-хоро сэһэргэһэн, ааспыты ахтыһан, ыллаан-туойан, үҥкүүлээн, саҥа кэлбит сылынан эҕэрдэлэһэн, сүрдээх үчүгэй күнү атаардыбыт. Ол курдук, Олоҥхо дьиэтин үлэһиттэрэ боҕуруускай отунан ыраастаан арчылаатылар, алгыс тылларын анаатылар, ылбаҕай ырыаларын бэлэхтээтилэр Дьокуускайдааҕы култуура уонна искусство колледжын 2 кууруһун устудьуоннара Эдилия Сивцева, Айсен Ильин, эдэр ырыаһыттар Василий Петров, Юрий Стручков.
             Тэрээһиҥҥэ култуура отделын сэбиэдиссэйинэн 1986-1990 сылларга үлэлээбит Матвеев Иван Петрович Дьокуускай куораттан, култуура управлениетын начальниктарынан үлэлээбит Мигалкин Михаил Васильевич, Заровняев Борис Иннокентьевич кыттыыны ыланнар ааспыты ахтыһан-санаан аастылар. Тэрийээччилэр ааттарыттан кыттыыны ылбыт биир идэлээхтэрбитигэр, бэтэрээннэрбитигэр, Олоҥхо Дьиэтин бары үлэһиттэригэр, тэрээһин ыытыллыытыгар спонсордаан күүс-көмө буолбут ИП Шелковников Гаврил Гаврильевичка барҕа махтал тылларбытын аныыбыт. Бу кэлбит саҥа Иэйэхсит сыла эһигини үтүө эрэ түгэннэринэн арыаллаатын, бары доруобай, этэҥҥэ эрэ сылдьыҥ диэн баҕа санаабыт бастыҥын аныыбыт.

                 “Уус Алдан улууһун култуура бэтэрээннэрин Сэбиэтэ” общественнай түмсүү салайааччыта Анна Федорова.
                  Тохсунньу ый 16 күнэ, 2025 сыл.

Поделиться в социальных сетях:

Читайте также

“Бриллиантовые нотки”

Тохсунньу ый 5-6 күннэригэр, “Бриллиантовые нотки” фестивальнай комитет өрөспүүбүлүкэтээ5и күрэ5ин кыайыылаахтара, И.Н.Жирков аатынан Дүпсүн орто оскуолатын “Кэскил” СӨ образцовай хомусчуттар

Ыллыыр Илин Эҥээр

Сэтинньи 5 күнүгэр В.В. Никифоров-Күлүмнүүр аатынан “Тойон Мүрү” култуура дыбарыаһыгар, Екатерина, Василий Парниковтар “Ыллыыр Илин Эҥэр” бырайыактарын чэрчитинэн, сомоҕолоһуу күнүгэр