Улууспутугар «2023 сыл түмүктэрэ» тэрээһин В.В.Никифоров-Күлүмнүүр аатынан «Тойон Мүрү» култуура дыбарыаһыгар үөрүүлээх быһыыга-майгыга ыытылынна!
Араас эйгэҕэ бастыҥнар ааттанан лауреат үрдүк аатын сүктүлэр.
Улуус культуратын үлэһиттэрэ:
«Улуус культуратын бастыҥ үлэһитэ» — Уус-Алданнааҕы култуура управлениетын информационнай методическай хааччыйыы уонна бырайыактыыр-инновационнай сайдыы отделын сэбиэдиссэйэ Марианна Васильевна Бережнева,
«Оҕону эбии үөрэхтээһин бастыҥ үлэһитэ» — «Кэнчээри» оҕо эстетическэй киинин директора, Россия үтүөлээх «Кэнчээри» оҕо-ырыа үҥкүү норуодунай коллектив салайааччыта Василий Степанович Парников,
Россия үлэҕэ геройун Михаил Николаевич Готовцев аатынан анал бириэмийэ хаһаайына — И.И. Артамонов аатынан Найахытааҕы култуура сынньалаҥ киинин директора Дьулустаан Васильевич Гаврильев ааттаннылар.
СӨ Ил Түмэнин бочуотунай грамотатынан — Уус Алданнааҕы Сэһэн Ардьакыап аатынан историяны, кыраайы үөрэтэр музей директора Пермяков Павел Васильевич наҕараадаланна.
