МБУ "Усть-Алданское управление культуры" ? Сэһэн Ардьакыап аатынан улуустааҕы устуоруйаны уонна кыраайы үөрэтэр мусуойга бүгүн киһи баҕатын күүһэ, дьулуура ырылыччы көһүннэ. 10 сыл анараа өттүгэр аҕам саастаах дьоҥҥо Үһүс саас оскуолатын иһинэн «Кустук» диэн куруһуок арылларын истэн, үйэлэригэр киистэни тутан холустаҕа уруһуйдаабатах дьон аҥаардас баҕа санаанан салайтаран уруһуйдуурга уһуйулла түмсүбүттэрэ. Кинилэри Бороҕоннооҕу оҕо ускуустубатын оскуолатын учуутала Сусанна Аммосова уруһуй албастарыгар уһуйбутунан барбыта. Оттон түмсүү салайааччытын быһыытынан СӨ уус-уран оҥоһуктарын маастара, худуһуонньук Саргылаана Рожина иилээн-саҕалаан быыстапкаларга кытыннаран «Кустук» куруһуок иитиллээччилэрэ бу дьарыкка ис сүрэхтэн умсугуйбуттара.
Бүгүн кинилэр 10 сыллаах үлэлэрин түмэр, Саха сиригэр автономия тэриллибитэ 100 сылынан уонна Саргылаана Рожина сырдык кэриэһигэр анаан «Сүүс былас холустаҕа» быыстапка аанын тэлэччи арыйар үөрүүлээх тэрээһинэ буолла.
✍️ Мария Аргунова
Сиһилии: https://мюрюгазета.рф/article/88146 эбэтэр комментарийдарга
@murusahargata
