Өлтөх нэһилиэгин Арыылаах бөһүөлэгэр «Эйгэ» сынньалан киин 60 сыллаах үбүлүөйүн бэлиэтээннэ

Өлтөх нэһилиэгин Арыылаах бөһүөлэгэр ахсынньы 3 кунугэр «Эйгэ» сынньалан киин 60 сыллаах үбүлүөйүн бэлиэтээтибит.
?????????????????????????????????

? Тэрээһин кулуубу ыраастаан сыт таһааран, кэлбит ыалдьыттары арыылаах алаадьынан күндүлээн арчылааһынтан са5аланна. Олоҥхо дьиэтин үлэһиттэрин тойуктара дуораһыйда, «Эр Модун» үҥкүү бөлө5ө дьөһөгөй үҥкүүнэн ситэрэн үбүлүөйдээх күнү астылар.
? Өр сылларга сыралаах үлэлэрин, уус-уран самодеятельностка көхтөөх кыттыыларын иһин уонна общественнай олох лидердарын на5араадалааһын көрөөччүлэр ытыстарын тыаһынан доҕуһуолланна.
Салгыы буоларын курдук истин ис хоһоонноох сценарий хаамыытынан сцена маастардарын концера буолла. Ынырыллан кэлбит ыалдьыттарбыт баян тыаһа до5уһуоллаах Анна, Иннокентий Артамоновтар, Прасковья Данилова, гитара тыаһынан Айтал Карамзин, сцена ветерана Иван Румянцев, биир идэлээхтэрбит Сыырдаахтан «Абылан» вокальнай ансамбыл ылба5ай ырыаларын бэлэхтээтилэр. «Кустук» о5о үҥкүүтүн выпускницата хореограф идэлээх Диана Федотова- нарын хамсаныылаах үҥкүүлэрэ, «Дэгэйик» (сал. Л. С. Васильева), «Сардана» бальнай үҥкүү (сал. М. С. Алексеева) бөлөхтөрө, нэһилиэк «Эр Модун» үҥкүү бөлөҕө (сал. А.А.Саввина) ыалдьыттаатылар.

Бу курдук салгыы 60 сыллаах үбүлүөйүнэн «Эйгэ» дьону-сэргэни тумэр киин» брошюра иккис чааһа, кулууп иһинэн улэлиир «Дууһам иэйиитэ» айар түмсүү 5 сылынан хоһоон хомуурунньуга та5ыста. Айар талааннаах 6 хоһоон айааччыларга туттарылынна.

Араас сыллар уус-уран самодеятельноһын кыттыылаахтара, общественнай үлэ активистара «Ахтыы киэһэтэ» астаах остуол тула олус истиҥник, мустубут дьон дуоһуйа кэпсэтэн, санаа үллэстэн «Эйгэ» сынньалаҥ киин материальнай базата хаҥыырыгар сэмэй кылааттарын киллэрдилэр.

Махтанабыт үбүлүөйнэй концертпыт сценарийын суруйбут Орто-Эбэ сүрүн оскуолатын учууталларыгар Надежда Афанасьевна Говорова5а, Александра Васильевна Жиркова5а, бырааһынньыктаа5ы тортпутун онорбут администрация үлэһитигэр Мария Спиридоновна Алексеева5а, биир дойдулаахпыт ИП Антонина Петровна Богатырева5а, тэрээһин үлэтигэр кыттыспыт Арыылаах бөһүөлэгин тэрилтэлэригэр, Бэйдиҥэтээ5и А.П.Петров аатынан норуот айымньытын дьиэтин улэьиттэригэр, Елтех нэьилиэгин дьаһалтатыгар. ???
Күндү бар дьоммут бу курдук өрүү көхтөөх, кэрэ эйгэни кэрэхсээн бары доруобайдык, сырдыгы эрэ ыралаан дьоллоохтук олоруо5уҥ!

?????????????????????????????????