Уус Алдан улууһун үбүлүөйдээх олоҥхоһуттарыгар аналлаах «Олоҥхону толорууга утумнаахтык» оскуола оҕолорун ортолоругар олоҥхону толорууга күөн-күрэс тосхоло

❗Сылын аайы оскуола оҕолорун ортолоругар ыытыллар олоҥхону толоруу күрэһэ, дойдуга ыарыы турбутунан сибээстээн, олоҥхону биирдиилээн толорууга онлайн нөҥүө ыытыллар.

 Тэрийээччилэр:

 улуустааҕы Олоҥхо Ассоциацията, культура, үөрэх управлениялара.

Сыала-соруга:

• Өбүгэ саҕаттан тутуһуллан кэлбит олоҥхону толоруу үгэһин сөргүтүү;
• Олоҥхону сэҥээрэр, толорор, олоҥхо олуктарын, төрүт өйдөбүллэрин тус олоҕор туһанарга баҕалаах, дьоҕурдаах  ыччаты  иитиигэ олук  ууруу;
• Олоҥхо идеяларын күннээҕи олоххо таба туһанарга кыаҕы үөскэтии;
• Олоҥхо эйгэтин кэҥэтии;
• Олоҥхону биирдиилээн толоруу ньыматын баһылааһын, үрдэтии;

Олоҥхону биирдиилээн толоруу үс бөлөҕүнэн ыытыллар:

✓         I бөлөх — 1-4 кылаас;

✓         II бөлөх — 5-7 кылаас;

✓         III бөлөх – 8-11 кылаас.

Сыаналааһын сүрүн ирдэбиллэрэ:

• Олоҥхону толорууга үгэс буолбут ньыманы тутуһуу;
• Түөлбэ олоҥхотун уратытын толорон иһитиннэрии;
• Олоҥхону толорооччу тылын — өһүн баайа, тэтимэ, олоҥхо тутулун, оҥкулун тутуһуута;
• Олоҥхо ырыатын — тойугун арааһын толоруута, куолаһын кэрэтэ;
• Олоҥхо ис хоһоонун дьоҥҥо – сэргэҕэ тиэрдиитэ.

Тэрээһин ирдэбиллэрэ:

• Күрэххэ кыттыы төлөбүрэ суох.
• Олоҥхону толоруу

✓ I бөлөххө – 10,

✓ II, III-с бөлөхтөргө 15 мүнүүтэттэн

итэҕэһэ суох буолуохтаах.

• Видеозапистары сэтинньи 15 күнүгэр дылы культура управлениятыгар тиксэрэҕит:

Электроннай аадырыс: annafedora@mail.ru

Ватсап нүөмэрдэр: 89142636955, 89142664773

Биһирэбил көрүҥнэрэ:

• Кылаан бириис;
• Үс бөлөҕүнэн I, II, III  миэстэлэр олохтоноллор;
• Анал ааттар иҥэриллэллэр;
• Хас биирдии кыттааччыга туоһу сурук туттарыллар;
• Дьүүллүүр сүбэ быһаарыыта бүтэһиктээх.

Билсэр аадырыскыт:

• Уус-Алдан улууһун культураҕа управлениета, 41-095, 89142636955, 89142664773;

Электроннай аадырыс: annafedora@mail.ru