«ТҮМСҮҮНЭН САЙДЫЫГА, ҮЛЭНЭН ҮРДЭЛГЭ» нэһилиэктэр икки ардыларыгар ыытыллыбыт улуустааҕы бэстибээл икки бөлөҕүнэн араарыллан кулун тутар 6 күнүттэн 23 күнүгэр диэри ыытылынна.

Россияҕа Педагог уонна уһуйааччы, Саха Өрөспүүбүлүкэтигэр Үлэ, Уус Алдан улууһугар Инфраструктура сайдыытын сылларыгар анаммыт «ТҮМСҮҮНЭН САЙДЫЫГА, ҮЛЭНЭН ҮРДЭЛГЭ» нэһилиэктэр икки ардыларыгар ыытыллыбыт улуустааҕы бэстибээл икки бөлөҕүнэн араарыллан кулун тутар 6 күнүттэн 23 күнүгэр диэри ыытыллан муус устар 13-14 күннэригэр Күлүмнүүр аатынан Тойон Мүрү култуура дыбарыаһыгар лауреаттар кыттыылаах ГАЛА-КОНЦЕРТАРЫНАН түмүктэннэ.

Бэстибээл икки көрүҥүнэн ыытылынна. Ол курдук, нэһилиэктэр удьуор үлэһит уонна киэн туттар, холобур оҥостор уһуйааччы дьоннорун кэпсиир быыстапкалары туруордулар. Уус-уран самодеятельность көрүҥэр ирдэнэр 19 нүөмэрдээх кэнсиэри көрдөрдүлэр.

Бэстибээл быыстапкатыгар уонна уус-уран самодеятельность кэнсиэригэр барыта 1694 киһи хабыллан кытыыны ыллылар.

Тэрээһин түмүгүнэн улуус Аҕа баһылыга Алексей Васильевич туруорбут бирииһин харчынан сертификаттары кыайыылаахтарга фестиваль гала-кэнсиэрин үөрүүлээх түгэнигэр туттардылар:

?1-кы бөлөх кыайыылаахтара:

1️⃣ миэстэ — ЛӨГӨЙ нэһилиэгэр 200 000 солк.,
2️⃣ миэстэ — БОРОҔОН нэһилиэгэр 150 000 солк.,
3️⃣ миэстэ — НАЙАХЫ нэһилиэгэр 100 000 солк.

?2-с бөлөх кыайыылаахтара:

1️⃣ миэстэ — БЭЭРИЙЭ нэһилиэгэ 200 000 солк.,
2️⃣ миэстэ — 1 ХОРО нэһилиэгэ 150 000 солк.,
3️⃣ миэстэ — Түүлээх нэһилиэгэр 100 000 солк.

Нэһилиэктэр бары ис сүрэхтэриттэн кыһаллан, дойдубут туһа, нэһилиэкпит туһа диэн тэринэн кыттыбыттарын иһин махтанабыт.
Үс сыл тохтобул кэнниттэн нэһилиэнньэҕэ маннык дьону биир өйгө-санааҕа түмэр тэрээһин ыытыллыбыта биһирэбиллээх, уонна урукку сыллар курдук сылын аайы тохтообокко ыытылларыгар баҕарабыт!